JEE Main Result: સેશન 1નું પરિણામ જાહેર, 14 વિદ્યાર્થીઓએ મેળવ્યા 100 પર્સન્ટાઈલ

નેશનલ ટેસ્ટિંગ એજન્સી (NTA)એ જોઈન્ટ એન્ટ્રન્સ એક્ઝામિનેશન એટલે કે JEE મેઈન સેશન 1 પરીક્ષાનું પરિણામ જાહેર કર્યું છે. આ પરીક્ષામાં હાજર રહેલા તમામ ઉમેદવારો JEE Mainની સત્તાવાર વેબસાઈટ jeemain.nta.nic.in

પર જઈને પોતાનું પરિણામ ચેક કરી શકે છે. NTA અનુસાર, JEE મેન્સ 2025 સેશન 1માં કુલ 14 ઉમેદવારોએ 100 પર્સન્ટાઈલ મેળવ્યા છે. તેમાંથી પાંચ રાજસ્થાનના છે.

24 ઉમેદવારોએ 99થી 100 વચ્ચે પર્સન્ટાઈલ મેળવ્યા

આ ઉપરાંત દિલ્હીના હર્ષ ઝા, રાજસ્થાનના રજીત ગુપ્તા, ઉત્તર પ્રદેશના શ્રેયસ લોહિયા, રાજસ્થાનના સક્ષમ જિંદાલે પણ 100 પર્સન્ટાઇલ મેળવ્યા છે. આ ઉપરાંત, 24 ઉમેદવારો એવા છે જેમણે 99થી 100 વચ્ચે પર્સન્ટાઈલ મેળવ્યા છે. આ પછી 3 ઉમેદવારો એવા છે જેમણે 98થી 99 પર્સન્ટાઈલ મેળવ્યા છે અને એક ઉમેદવાર એવો છે જેણે 96, 95 અને 90 પર્સન્ટાઇલ મેળવ્યા છે.

12,58,136 વિદ્યાર્થીઓએ પરીક્ષા આપી હતી

NTA દ્વારા જાહેર કરાયેલા ટોપર્સની યાદીમાં ભારતની બહારના એક ઉમેદવારનું નામ સબ્યસાચી ચૌધરી છે. સબ્યસાચી ચૌધરીએ 99 પર્સન્ટાઈલ મેળવ્યા છે. તમને જણાવી દઈએ કે પરીક્ષા માટે 13,11,544 ઉમેદવારોએ નોંધણી કરાવી હતી અને તેમાંથી 12,58,136 ઉમેદવારોએ ભાગ લીધો હતો. NTA દ્વારા આ પરીક્ષા 22, 23, 24, 28 અને 29 તારીખે બે શિફ્ટમાં લેવામાં આવી હતી. પરીક્ષા એક શિફ્ટમાં સવારે 9થી બપોરે 12 વાગ્યા સુધી અને બીજી શિફ્ટમાં બપોરે 3થી સાંજે 6 વાગ્યા સુધી લેવામાં આવી હતી.

દેશમાં 13 ભાષામાં પરીક્ષા લેવાઈ હતી

JEE મુખ્ય પરીક્ષા 13 ભાષાઓ (આસામી, બંગાળી, અંગ્રેજી, ગુજરાતી, હિન્દી, કન્નડ, મલયાલમ, મરાઠી, ઉડિયા, પંજાબી, તમિલ, તેલુગુ અને ઉર્દૂ) માં લેવામાં આવી હતી. આ ઉપરાંત, આ પરીક્ષા ભારતની બહારના 15 શહેરો, મનામા, દોહા શહેર, દુબઈ, મસ્કત, રિયાધ, શારજાહ, સિંગાપોર, કુવૈત, કુઆલાલંપુર, કાઠમંડુ, અબુ ધાબી, પશ્ચિમ જાવા, વોશિંગ્ટન, લાગોસ અને મ્યુનિકમાં પણ લેવામાં આવી હતી.