Board Exam : બોર્ડની પરીક્ષા આપવા જતી વખતે રાખો આટલું ધ્યાન

• પરીક્ષા કેન્દ્ર પર પ્રથમ દિવસે એક કલાક પહેલા જવું હિતાવહ છે. અન્ય દિવસે મીનીમમ 30 મિનિટ પહેલાં પહોંચી જવું.
• પરીક્ષામાં બુટ-મોજા પહેરવા નહીં, બને તો સ્લીપર કે સેન્ડલ પહેરવા જેથી પગમાં અકળામણ ન થાય.
• પરીક્ષાની અડધો કલાક પહેલા તૈયારી બંધ કરી દેવી અને પરીક્ષાને લગતા કોઈપણ વિચાર ન કરવા.
• પેપર આપવા જતી વખતે રીસીપ્ટ, પેન, સંચો, રબ્બર, ફૂટપટ્ટી જરુરી હોય તો કંપાસ અને પાઉચ લઈને જવું.
• પરીક્ષા ખંડમાં મોબાઈલ કે અન્ય પ્રતિબંધિત વિજાણું સાધનો સાથે રાખવા નહીં
• ઘરેથી પારદર્શક બોટલમાં પાણી કે લીંબુ શરબત લઈ જવું.
• પ્રથમ દિવસે સેન્ટર પર સ્વાગત થાય ત્યારે ત્યાંથી મળતી મીઠાઈ કે પીપરમેન્ટ ખાવા નહીં

• પોતાના સંતાનને ચશ્માં હોય તો બીજી જોડ તૈયાર રાખવી.
• પરીક્ષા દરમિયાન વાંચન સમયે વાલીએ બાળકને સહકાર આપવો.
• ઘરનાં અન્ય સભ્યો આ સમયે ટીવી, ટેપ ન વગાડે તે ધ્યાન રાખવું.
• વાલીએ રીસીપ્ટની બે થી ત્રણ ઝેરોક્ષ કરાવી લેવી.
• રીસીપ્ટને ક્યારેય લેમીનેશન ન કરાવવી.
• જો રીસીપ્ટ ખોવાઈ જાય તો તાત્કાલિક સ્કૂલનો સંપર્ક કરવો.
• બાળક જે વિષયનું પેપર આપીને આવે તે વિષયના પુસ્તકો અન્ય સાહિત્ય વગેરેને તેના વાંચન સ્થાનેથી દૂર કરી દેવા.
• વાલી પાસે શાળાનો નંબર, આચાર્યશ્રીનો નંબર, જે શાળામાં પેપર આપવાનું છે તે શાળાનો નંબર, પરીક્ષા કંટ્રોલરુમનો નંબર તેમજ ફેમિલી ડોક્ટરના નંબર હાથવગે રાખવા.
• વિદ્યાર્થીને કોઈ નિયમિત દવાની જરુરિયાત રહેતી હોય તો અગાઉથી તેની વ્યવસ્થા કરી દેવી.
• વાલીએ કદી બાળકને સેન્ટર પર એમ ન પૂછવું કે પેપર કેવું ગયું, કેટલા ગુણ આવશે?

https://www.instagram.com/reel/DF5IXnJKNPG/?igsh=Mng4aXFpb2tnaWNi

• ઘડિયાળ કાંડામાંથી કાઢીને સામે ગોઠવવી.
• OMR કે મુખ્ય પુરવણીમાં ધાર્મિક સંજ્ઞાઓ કે નિશાની કરવી નહીં.
• OMRમાં યોગ્ય ખરા વર્તુળને પૂર્ણ કરવા ફક્ત કાળી-ભૂરી બોલપેનનો ઉપયોગ કરવો.
• રફવર્ક પ્રશ્નપત્ર કે મુખ્ય ઉત્તરવહીના છેલ્લા પાના પર આપેલી જગ્યામાં કરવું.
• કોઈ જવાબ લખતા પહેલા પ્રશ્ન બરાબર વાંચવો.

• આ દિવસોમાં નવું શીખવાનું ટાળો જે આવડતું હોય તેના પર વધારે ભાર મૂકો.
• ઉજાગરા આ દિવસોમાં બિલકુલ ન કરવા, ભોજન અને ઉંઘમાં નિયમિતતા રાખવી.
• રીવીઝન કરતી વખતે અગાઉ થયેલી ભૂલ પર ધ્યાન રાખી રીવીઝન કરવું.

• સેન્ટર પર પરીક્ષા આપવા જાઓ ત્યારે થોડા રુપિયા સાથે રાખવા જેથી સેન્ટર પર તેડવા આવેલ વ્યક્તિ કોઈ કારણસર મોડા થાય તો રીક્ષા કરી ઘરે પહોંચી શકાય.
• થોડો સમય લઈને કે ફ્રેશ થઈ પછીના પેપર વાંચવાનું શરુ કરવું.

• OMR Sheet મુખ્ય ઉત્તરવહીમાં વિષયનું નામ અને વિષયનો નંબર સામે વર્તુળમાં જે વિષયની પરીક્ષા આપતા હોય તેની સામે વર્તુંળમાં ઘટ્ટ (.) કરવું.
• ગણિત જેવા વિષયમાં રફ કામ માટે પ્રશ્નપત્રમાં જગ્યા આપવામાં આવે છે તે જગ્યાનો જ ઉપયોગ કરવો.
• ખૂબ જ અગત્યનું અજાણતા પ્રશ્નસેટનો ક્રમાંક ભૂલથી અન્ય વર્તુળમાં ઘટ્ટ થઈ જાય તો તરત જ વર્ગ સુપરવાઈઝરનું ધ્યાન દોરવું. બોર્ડના નિયમ પ્રમાણે જરુરી પત્રકોની પૂરવણી કરી આવી ભૂલવાળી OMR Sheet માટે કાર્યવાહી કરી શકશે.
• પાઠ્યપુસ્તક આધારિત જવાબો લખવા.
• નવા પ્રશ્નની શરુઆત નવા પાને (Page) થી કરવી.
• એક આખો વિભાગ નવા પાને (Page) થી શરુઆત કરવી.
• વાંચી શકાય તેવા અક્ષરો, શબ્દો વચ્ચે જગ્યા છોડવી.
• વિસ્તૃત પ્રશ્નોના મુદ્દાઓ છુટા પાડીને લખવું.
• બ્લ્યુ રંગની શાહીથી લખવું, જેલ પેનનો ઉપયોગ ટાળવો.
• કોઈ દાખલો બે થી વધારે પ્રયાસ કરવા છતાં ન મળે તો વધારે પ્રયાસ ન કરવો.
• OMR /મુખ્ય જવાબવહી પર લગાડવામાં આવતા બારકોડ સ્ટીકરનો નંબર હોલટીકીટમાં અવશ્ય લખવો અને તે બારકોડ પોતાનું જ છે તેની ખાતરી કરી લેવી.
• પેપર સેટનો નંબર OMR Sheet પર અવશ્ય દર્શાવવો.
• તમામ પરીક્ષાખંડો, CCTV થી કાર્યરત હોય તેથી પરીક્ષાર્થીઓએ કોઈ પણ વસ્તુઓનું આદાનપ્રદાન ન કરવું.
• બોર્ડનો કંટ્રોલરુમ 24 કલાક કાર્યરત હોય છે, જેથી મૂંઝવતા પ્રશ્નો પરત્વે માર્ગદર્શન મેળવી શકો છો.
• પરીક્ષા ખંડમાં કોઈપણ પ્રકારની ભૂલ કે સમસ્યા સર્જાય તો ખંડનિરીક્ષકનું ધ્યાન દોરવું.