2 મેના રોજ બાબા કેદારના દર્શન કરવા માટે કેદારનાથ ધામમાં ભક્તોની ભારે ભીડ ઉમટી પડી હતી. યાત્રા કંટ્રોલ રૂમ, રુદ્રપ્રયાગ દ્વારા જાહેર કરાયેલા ડેટા અનુસાર, આ દિવસે સાંજે 7 વાગ્યા સુધી કુલ 30,154 ભક્તોએ કેદારનાથ ધામની મુલાકાત લીધી હતી. ભક્તોની ભીડને જોતા સુરક્ષા વ્યવસ્થા સઘન કરવામાં આવી છે. અને કોઇપણ પ્રકારની હાલાકી ન સર્જાય તે માટે જરુરી સુવિધાનું ધ્યાન રાખવામાં આવ્યુ છે.
બાબા કેદારનાથના દર્શન માટે ભક્તો થયા એક્ત્ર
2 મેના રોજ, બાબા કેદારના દર્શન કરવા માટે કેદારનાથ ધામમાં ભક્તોની ભારે ભીડ ઉમટી પડી હતી. યાત્રા કંટ્રોલ રૂમ, રુદ્રપ્રયાગ દ્વારા જાહેર કરાયેલા ડેટા અનુસાર, આ દિવસે સાંજે 7 વાગ્યા સુધી કુલ 30,154 ભક્તોએ કેદારનાથ ધામની મુલાકાત લીધી હતી. જેમાં 19,196 પુરુષો, 10,597 મહિલાઓ અને 361 બાળકોનો સમાવેશ થતો હતો. જોકે, આ દિવસે કોઈ વિદેશી શ્રદ્ધાળુ નોંધાયા ન હતા. શ્રદ્ધાળુઓની આ સંખ્યા તીર્થયાત્રામાં વધતી શ્રદ્ધા દર્શાવે છે. 2 મેના રોજ ભક્તો અનુક્રમે યમુનોત્રી અને ગંગોત્રી દર્શન માટે પણ પહોંચ્યા હતા.
શિવભક્તોના મંત્રોચ્ચારથી કેદારનાથ ગુંજ્યુ
હિમાલયની ગોદમાં સ્થિત પ્રખ્યાત જ્યોતિર્લિંગ કેદારનાથ મંદિરના દરવાજા શુક્રવારે સવારે ઔપચારિક રીતે ખોલવામાં આવ્યા હતા. જેમાં 12,000થી વધુ ભક્તો હાજર રહ્યા હતા. બદ્રીનાથ-કેદારનાથ મંદિર સમિતિના અધિકારીઓના જણાવ્યા અનુસાર, સમુદ્ર સપાટીથી 11 હજાર ફૂટની ઊંચાઈ પર સ્થિત મંદિરના દરવાજા 2 મેના રોજ સવારે 7 વાગ્યે ભક્તો માટે ખોલવામાં આવ્યા હતા. આ શુભ પ્રસંગે, મંદિરને 108 ક્વિન્ટલ ફૂલોથી શણગારવામાં આવ્યું હતું. જેમાં ગુલાબ અને ગલગોટા સહિત 54 પ્રકારના ફૂલોનો સમાવેશ થતો હતો. આ ફૂલો નેપાળ, થાઈલેન્ડ અને શ્રીલંકા જેવા દેશોમાંથી લાવવામાં આવ્યા હતા. ચાર ધામ યાત્રાના ચાર મંદિરોમાંથી, કેદારનાથ સૌથી વધુ ભક્તોને આકર્ષે છે. આ મંદિર ભગવાન શિવને સમર્પિત છે અને દેશના 12 જ્યોતિર્લિંગોમાંથી 11મું છે.
મંદાકિની અને સરસ્વતી નદીના સંગમ પર ભવ્ય આરતી
બીકેટીસીના મીડિયા ઇન્ચાર્જ હરીશ ગૌરે જણાવ્યું હતું કે કેદારનાથ મંદિરના દરવાજા ખોલવાની પ્રક્રિયા સવારે 5 વાગ્યે શરૂ થઈ હતી. આ દરમિયાન મુખ્ય પૂજારી ભીમાશંકર લિંગ, પૂજારી બાગેશ લિંગ, કેદારનાથના ધારાસભ્ય આશા નૌટિયાલ, રુદ્રપ્રયાગના જિલ્લા મેજિસ્ટ્રેટ સૌરભ ગહરવાર, બીકેટીસીના સીઈઓ વિજય પ્રસાદ થાપલિયાલ, તીર્થ પૂજારી શ્રીનિવાસ પોસ્તી, અન્ય ધાર્મિક આચાર્યો અને વેદપથીઓએ મંદિરના પૂર્વ દરવાજાથી ગર્ભગૃહની પૂજામાં ભાગ લીધો હતો. આ વખતે ભક્તો માટે એક નવી શરૂઆત કરવામાં આવી છે. મંદિરની નજીક મંદાકિની અને સરસ્વતી નદીઓના સંગમ પર એક ભવ્ય 'આરતી'નું આયોજન કરવામાં આવશે, જે વારાણસી, હરિદ્વાર અને ઋષિકેશની ગંગા આરતીની તર્જ પર હશે. તમને જણાવી દઈએ કે આ પ્રસંગે મુખ્યમંત્રી પુષ્કર સિંહ ધામી પણ હાજર હતા અને કપાટ ખોલ્યા પછી, તેમણે સૌપ્રથમ રાજ્ય અને દેશના લોકોની ખુશી અને સમૃદ્ધિની પ્રાર્થના અને કામના કરી. દર વર્ષે ભારત અને વિદેશથી લાખો ભક્તો કેદારનાથ ધામમાં દર્શન માટે પહોંચે છે. શિયાળામાં મંદિર બંધ રહે છે.
