- ચૂંટણીના પ્રથમ તબક્કામા 21 રાજ્યોની 102 લોકસભા બેઠકો પર મતદાન
- દેશમાં કુલ 97 કરોડ નોંધાયેલા મતદારો અને 10.5 લાખ મતદાન મથકો છે
- દેશમાં પહેલી વાર 85 વર્ષથી વધુ ઉંમરના મતદારોના ઘરે જઈને મત લેવાયા
2024ની લોકસભા ચૂંટણી અંગે ભારતીય ચૂંટણી પંચે દેશની 543 લોકસભાની બેઠકો માટે 7 તબક્કામાં મતદાનની તારીખોની જાહેરાત કરી દીધી છે. દેશમાં 7 તબક્કામાં ચૂંટણી યોજાશે અને ચૂંટણીના પરિણામો 4 જુનના રોજ જાહેર કરવામાં આવશે. જ્યારે પ્રથમ તબક્કાની ચૂંટણી 19 એપ્રિલે યોજાનાર છે. આ તબક્કા માટે 20 માર્ચે નોટિફિકેશન બહાર પાડવામાં આવ્યું હતું.
ચૂંટણીના પ્રથમ તબક્કામા 21 રાજ્યોની 102 લોકસભા બેઠકો પર મતદાન
જ્યારે ઉમેદવારો 27મી માર્ચની સાંજ સુધી ઉમેદવારી નોંધાવી દીધી છે. ત્યાર બાદ, ચૂંટણી પંચ 28 માર્ચે ઉમેદવારી પત્રોની ચકાસણી કરીને 30 માર્ચ સુધી ઉમેદવારો તેમના નામાંકન પરત ખેંચી લીધાં છે. ચૂંટણીના પ્રથમ તબક્કામાં 21 રાજ્યોની 102 લોકસભા બેઠકો પર મતદાન થવાનું છે.
પ્રથમ તબક્કામાં કુલ 21 રાજ્યોમાં ક્યાં કેટલી સીટો?
પ્રથમ તબક્કામાં કુલ 21 રાજ્યોમાં અરુણાચલ પ્રદેશ, બિહાર, આસામ, છત્તીસગઢ, મધ્યપ્રદેશ, મહારાષ્ટ્ર, મણિપુર, મેઘાલય, મિઝોરમ, નાગાલેન્ડ, રાજસ્થાન, સિક્કિમ, તમિલનાડુ, ત્રિપુરા, ઉત્તર પ્રદેશ, ઉત્તરાખંડ, પશ્ચિમ બંગાળ, આંદામાન અને નિકોબાર, જમ્મુ અને કાશ્મીર, લક્ષદ્વીપ અને પુડુચેરીનો સમાવેશ થાય છે. જો આપણે પ્રથમ તબક્કાની ચૂંટણી દરમિયાન બેઠકોની વાત કરીએ તો, અરુણાચલ પ્રદેશ - 2, બિહાર - 4, આસામ - 4, છત્તીસગઢ - 1, મધ્યપ્રદેશ - 6, મહારાષ્ટ્ર - 5, મણિપુર - 2, મેઘાલય - 2, મિઝોરમ - 1. , નાગાલેન્ડ - 1, રાજસ્થાન - 12, સિક્કિમ - 1, તમિલનાડુ - 39, ત્રિપુરા - 1, ઉત્તરપ્રદેશ - 8, ઉત્તરાખંડ - 5, પશ્ચિમ બંગાળ - 3, આંદામાન અને નિકોબાર - 1, જમ્મુ-કાશ્મીર - 1, લક્ષદ્વીપ - 1 અને પુડુચેરી - 1 ની બેઠક પર મતદાન થશે.
કુલ 97 કરોડ નોંધાયેલા મતદારો, 10.5 લાખ મતદાન મથકો
ચૂંટણીની તારીખોની જાહેરાત કરતાં દેશના મુખ્ય ચૂંટણી કમિશનર રાજીવ કુમારે કહ્યું હતું કે, ચૂંટણીનો તહેવાર દેશનું ગૌરવ છે. વધુમાં રાજીવ કુમારે કહ્યું કે, વર્તમાન લોકસભાનો કાર્યકાળ 16 જૂને સમાપ્ત થઈ રહ્યો છે. તમામ રાજ્યોની સમીક્ષા કર્યા પછી, અમે દરેકની ભાગીદારી સાથે યાદગાર અને નિષ્પક્ષ ચૂંટણી સુનિશ્ચિત કરીશું. અમારી પાસે 97 કરોડ નોંધાયેલા મતદારો છે. 10.5 લાખ મતદાન મથકો છે. અત્યાર સુધી અમે 17 લોકસભા ચૂંટણી અને 400 થી વધુ રાજ્યોની ચૂંટણીઓ કરાવી છે.
1.82 કરોડ મતદારો પ્રથમ વાર મતદાન કરશે
વધુમાં, મુખ્ય ચૂંટણી કમિશનરે કહ્યું કે, છેલ્લા એક વર્ષમાં લગભગ 11 ચૂંટણીઓ થઈ છે. સર્વત્ર શાંતિપૂર્ણ રીતે ચૂંટણી યોજાઈ હતી તેમજ કોર્ટ કેસમાં ઘટાડો થયો હતો અને ફેક ન્યૂઝ સામે કાર્યવાહી કરવાની રીતમાં વધારો થયો છે. ભારતની ચૂંટણી પર સમગ્ર વિશ્વની નજર છે. આ વખતે 1.82 કરોડ નવા મતદારો જોડાયા છે. જેમાં 49.7 કરોડ પુરૂષ અને 47.1 કરોડ મહિલા મતદારો છે. 82 લાખ લોકો એવા છે જેમની ઉંમર 85 વર્ષથી વધુ છે. 2 લાખ 18 હજાર લોકો એવા છે જેમની ઉંમર 100 વર્ષથી વધુ છે. પ્રથમ વખત 1.82 કરોડ મતદારો છે.
પુરુષો કરતાં મહિલા મતદારોની સંખ્યા વધુ
આ સાથે જ ચૂંટણી પંચે કહ્યું કે, મહિલા મતદારોની સંખ્યામાં વધારો થયો છે. પુરૂષો કરતા મહિલા મતદારોની સંખ્યા વધુ છે. અમારી પાસે એવા મતદારોનો ડેટા પણ છે જેમની ઉંમર 2024માં ગમે ત્યારે 18 વર્ષની થઈ જશે. અમને વિશ્વાસ છે કે યુવાનો માત્ર મતદાન જ નહીં કરે પરંતુ મતદારોની સંખ્યા વધારવામાં પણ અમને મદદ કરશે.
દેશમાં પહેલી વાર 85 વર્ષથી વધુ ઉંમરના મતદારોના ઘરે જઈને મત લેવાયા
જ્યાં સુધી બૂથની તૈયારીનો સવાલ છે, ત્યાં દરેક જગ્યાએ પીવાનું પાણી હશે. સ્ત્રી અને પુરૂષ મતદારો માટે અલગ-અલગ શૌચાલય હશે. આ ઉપરાંત વિકલાંગ મતદારો માટે પણ અલગ વ્યવસ્થા કરવામાં આવશે. ચૂંટણી પંચ લોકશાહીને મજબૂત કરવા માટે મતદાન મથકોને દેશના ખૂણે ખૂણે લઈ જશે. અમે 85 વર્ષથી વધુ ઉંમરના તમામ મતદારોના ઘરે જઈને તેમનો મત લઈશું. દેશમાં પહેલીવાર આ સિસ્ટમ લાગુ કરવામાં આવશે. આ માટે તેમને ફોર્મ આપવામાં આવશે.
મતદાર હેલ્પલાઈનથી મતદારોને તમામ માહિતી મળી રહેશે
મુખ્ય ચૂંટણી કમિશનર રાજીવ કુમારે વધુમાં કહ્યું કે, અમે દરેક જગ્યાએ પહોંચીશું જેથી દરેક વોટ કરી શકે. મતદાન બાદ કોઈપણ બૂથ પર વેસ્ટ મટિરિયલ ન દેખાય તે માટે વ્યવસ્થા કરવામાં આવશે. કાર્બન ફૂટપ્રિન્ટ ઘટાડવાના પ્રયાસો કરવામાં આવશે. કોઈપણ મતદાર, મતદાર હેલ્પલાઈન દ્વારા કોઈપણ પ્રકારની માહિતી મેળવી શકે છે. ગુનાહિત રેકોર્ડ ધરાવતા તમામ ઉમેદવારોને અખબારોમાં જાહેરાતો દ્વારા તેમના વિશે ત્રણ વખત જાણ કરવાની રહેશે.
