- 2047ને ધ્યાને રાખીને છેલ્લા બે વર્ષથી કામ કરી રહ્યો હતો
- મારા દેશને હજુ મારી જરુર, દરેક પરિવારનું સપનું પુરું કરવાનું
- 25 વર્ષના વિઝન માટે દરેક વિભાગમાં અધિકારીઓને ટીમ બનાવી
PM મોદીએ ઈન્ટરવ્યુ દરમિયાન સ્પષ્ટ કર્યું કે, અમે અમારા ત્રીજા કાર્યકાળની તૈયારીઓ શરુ કરી લીધી છે અને અમે 100 દિવસની યોજનાઓ વિશેની વાત કરવાની સાથે સાથે ઘણા મુદ્દાઓ વિશે પણ વાત કરીએ છીએ. તેમજ મને વિશ્વાસ નથી થતો કે મેં હજી બધું જ કરી લીધું છે. મારે હજુ ઘણું કરવાનું બાકી છે. કારણ કે હું જોઉં છું કે મારા દેશને હજુ કેટલી જરૂર છે. દરેક પરિવારનું સપનું, તે સપનું કેવી રીતે પૂરું થશે તે મારા હૃદયમાં છે.
2047ને ધ્યાને રાખીને છેલ્લા બે વર્ષથી કામ કરી રહ્યો હતો
વધુમાં PM મોદીએ કહ્યું કે, એટલા માટે એમ હું કહું છું કે જે થયું તે ટ્રેલર છે. હું ઘણું બધું કરવા માંગુ છું. મેં ચૂંટણીમાં જતા પહેલા પ્લાનિંગ શરૂ કરી દીધું હતું. હું 2047ને ધ્યાનમાં રાખીને છેલ્લા બે વર્ષથી કામ કરી રહ્યો હતો. તેથી, મેં દેશના લગભગ 15 લાખ લોકો પાસેથી સૂચનો લીધા છે કે તેઓ આગામી 25 વર્ષમાં દેશને કેવી રીતે જોવા માંગે છે. 15-20 લાખ લોકોએ પોતાના સૂચનો આપ્યા છે.
આગામી 25 વર્ષના વિઝન માટે દરેક વિભાગમાં અધિકારીઓની સમર્પિત ટીમ
PM મોદીએ કહ્યું કે, અમે AIની મદદ લઈ રહ્યાં છીએ. આગામી 25 વર્ષના વિઝન માટે દરેક વિભાગમાં અધિકારીઓની સમર્પિત ટીમ બનાવવામાં આવી છે. હું તે ટીમ સાથે બેઠો અને રજૂઆતોને સાંભળી. હું ઈચ્છું છું કે, આ દસ્તાવેજ જે હું મારા વિઝનને લઈને બનાવી રહ્યો છું, તે 15-20 લાખ લોકોના વિચારોથી બનેલો હોવો જોઈએ. હું તેને દસ્તાવેજના રૂપમાં તૈયાર કરાવી રહ્યો છું.
ચૂંટણીઓ પૂરી થતાં જ રાજ્યોને કામ સોંપવામાં આવશે
ચૂંટણીઓ પૂરી થતાં જ હું ઈચ્છું છું કે રાજ્યો આના પર કામ કરે. રાજ્યો આ વિશે શું વિચારે છે, શું થઈ શકે છે. આ તમામ રાજ્યોમાં મોકલવામાં આવશે. ત્યારબાદ નીતિ આયોગની બેઠક બોલાવવામાં આવશે અને વ્યાપક ચર્ચા કરવામાં આવશે. પછી અંતિમ આઉટપુટ બહાર આવશે.
2019માં પણ હું 100 દિવસનું કામ આપી ચૂંટણી મેદાને આવ્યો હતો
PM મોદીએ કહ્યું કે 2019ની ચૂંટણીમાં પણ હું 100 દિવસનું કામ આપીને ચૂંટણી મેદાનમાં ઉતર્યો હતો. હું પાછો આવ્યો કે તરત જ કલમ 370 પહેલા 100 દિવસમાં થઈ ગઈ. પ્રથમ 100 દિવસમાં ટ્રિપલ તલાકમાંથી મુક્ત થયેલી બહેનો. સુરક્ષા સંબંધિત UAPA બિલ 100 દિવસમાં પસાર થયું. બેંકોનું મર્જર એક મોટું કામ હતું, અમે 100 દિવસમાં તે કરી લીધું.
પ્રાણીઓના ખસીકરણ માટે મોટું અભિયાન ચલાવ્યું
એટલું જ નહીં, હું લગભગ 15 હજાર કરોડ રૂપિયાનું રોકાણ કરીને પ્રાણીઓના રસીકરણ માટે એક મોટું અભિયાન ચલાવી રહ્યો છું. મેં આ બધું પહેલા 100 દિવસમાં કર્યું. તેથી 100 દિવસમાં મારે કયું કામ કરવાનું છે તેનું આયોજન કરું છું.
2047માં દેશ આઝાદીના 100 વર્ષ પૂરા કરશે
PM મોદીએ કહ્યું કે, 2024 અને 2047 અલગ છે. જ્યારે દેશ આઝાદીના 75 વર્ષ પછી અમૃત મહોત્સવ ઉજવી રહ્યો હતો, તે જ સમયે મેં આ વિષય સૌની સમક્ષ મૂકવાનું શરૂ કર્યું કે, આજથી એક-બે વર્ષ પછી 2047માં દેશ આઝાદીના 100 વર્ષ પૂરા કરશે. સ્વાભાવિક રીતે આવા સીમાચિહ્નો હોય છે, તે એક રીતે વ્યક્તિને નવા ઉત્સાહ અને નવા સંકલ્પથી ભરી દે છે.
દરેક વ્યક્તિએ પોતાના માટે એક લક્ષ્ય બનાવવું જોઈએ
હવે જ્યારે આપણે આઝાદીના 100 વર્ષ પૂર્ણ કર્યા છે, તો આપણે આ 25 વર્ષનો મહત્તમ ઉપયોગ કેવી રીતે કરીશું? દરેક વ્યક્તિએ પોતાના માટે એક લક્ષ્ય બનાવવું જોઈએ. ઉદાહરણ તરીકે, ગામના વડાએ લક્ષ્ય નક્કી કર્યું છે કે તે 2024 સુધીમાં તેના ગામમાં ઘણું બધું કરશે.
