MP: આવકવેરા વિભાગની ટીમે દરોડા પાડ્યા મળ્યા મગર, અધિકારીઓ આશ્ચર્ય ચકીત

મધ્યપ્રદેશના સાગર જિલ્લામાં એક ચોંકાવનારો કિસ્સો સામે આવ્યો છે. અહીં આવકવેરા વિભાગની ટીમે એક ઘરમાં દરોડા પાડ્યા હતા. આ દરમિયાન ઘરમાંથી ચાર મગર મળી આવ્યા હતા. આ બાબતની જાણ વન વિભાગને કરવામાં આવી હતી, ત્યારબાદ મગરોને બચાવી લેવાયા હતા. આ મામલે વાઈલ્ડ લાઈફ પ્રોટેક્શન એક્ટ હેઠળ કેસ નોંધવામાં આવ્યો છે.

રાજેશ બીડી ઉત્પાદક, બિલ્ડિંગ કોન્ટ્રાક્ટર અને ભાજપના ભૂતપૂર્વ કાઉન્સિલર છે

આવકવેરા વિભાગના અધિકારીઓએ જણાવ્યું કે આ દરોડા રાજેશ કેસરવાની સાથે સંકળાયેલા પરિસર પર પાડવામાં આવ્યા હતા. રાજેશ બીડી ઉત્પાદક, બિલ્ડિંગ કોન્ટ્રાક્ટર અને ભાજપના ભૂતપૂર્વ કાઉન્સિલર છે. જો કે, આવકવેરા વિભાગના કોઈ અધિકારીએ મગરોની રિકવરી અંગે કોઈ ટિપ્પણી કરી ન હતી.

આ મામલે વન્યજીવ સંરક્ષણ અધિનિયમ હેઠળ કેસ નોંધવામાં આવ્યો છે

મધ્યપ્રદેશના ફોરેસ્ટ ફોર્સના વડા અસીમ શ્રીવાસ્તવે જણાવ્યું કે આ મામલે વન્યજીવ સંરક્ષણ અધિનિયમ હેઠળ કેસ નોંધવામાં આવ્યો છે. મગરોની હેલ્થ ચેકઅપ કરવામાં આવી રહી છે. આ અંગેની સંપૂર્ણ માહિતી કોર્ટને આપવામાં આવશે અને કાયદા મુજબ આગળની કાર્યવાહી કરવામાં આવશે. જો કે, અસીમ શ્રીવાસ્તવે સ્પષ્ટ કર્યું નથી કે કેટલા મગર મળી આવ્યા છે અને તે કોનું ઘર છે. સૂત્રોનું કહેવું છે કે ઘરમાં કુલ ચાર મગર જોવા મળ્યા હતા.

વન વિભાગે મગરોને બચાવી સલામત સ્થળે મોકલવાનું શરૂ કર્યું છે

વન વિભાગે મગરોને બચાવી સલામત સ્થળે મોકલવાનું શરૂ કર્યું છે. અધિકારીઓનું કહેવું છે કે આ મગરોની હાલત સામાન્ય છે અને હેલ્થ ચેકઅપ પૂર્ણ થયા બાદ તેમને ખસેડવામાં આવશે. ઘરમાં મગર જોવા મળવાની આ ઘટના બાદ આસપાસના વિસ્તારમાં સનસનાટી ફેલાઈ ગઈ હતી. લોકોમાં ચર્ચા ચાલી રહી હતી કે શા માટે મગરને ઘરમાં રાખવામાં આવ્યા છે. આ મામલે તપાસ કરવામાં આવી રહી છે.