Maharashtra: અમરાવતી સેન્ટ્રલ જેલમાં બ્લાસ્ટ, જેલ પરિસરમાં મચી અફરાતફરી

• શનિવારે રાતે બની ઘટના
  
• બેરેક નંબર 6-7ની સામે ફેંકાયો વિસ્ફોટક
• અમરાવતીના ડીસીપી અને સીપીએ કરી તપાસ ચાલુ

મહારાષ્ટ્રની અમરાવતી સેન્ટ્રલ જેલમાં દેશી બોમ્બ કે બોલની અંદર ફટાકડા જેવો પદાર્થ ફેંકવાથી જોરદાર ધમાકો થયો છે. આ ઘટનામાં હાલમાં કોઈ જાનહાનિ થયાનું સામે આવ્યું નથી. ઘટના શનિવારે રાતે 8.30ની હોવાનું જાણવા મળી રહ્યું છે. અમરાવતીના સીપી-ડીસીપી અને બોમ્બ નિરોધકની સાથે પોલિસના અધિકારીઓ પણ ઘટનાની તપાસમાં જોડાયા છે.

બેરેક નંબર 6-7ની સામે ફેંકાયો વિસ્ફોટક

ઉલ્લેખનીય છે કે બ્લાસ્ટ બેરેક નંબર 6-7ની સામે થયો હતો. રાતે લગભગ 8.30 વાગે જેલની અંદર ફટાકડો કે બોમ્બ ફાટવાનો જોરદાર અવાજ આવ્યો. આ ઘટના બાદ જેલ પરિસરમાં હડકંપ મચ્યો છે. ઘટનાની સૂચના મળતા જ અધિકારીઓ અને અમરાવતીની પોલિસે ડીસીપી સહિત બોમ્બ નિરોધક ટીમ ઘટનાસ્થળે પહોંચી ગઈ છે. મળતી માહિતિ અનુસાર કોઈ બોલની મદદથી ફટાકડો કે બોમ્બ પાડોશી હાઈવેના પુલ પર ફેંકવામાં આવ્યો છે. ફેંકનાર વ્યક્તિ કોણ છે તેની તપાસ ચાલી રહી છે. જો કે આ ઘટનામાં કોઈ જાનહાનિ સામે આવી નથી.

ફોરેન્સિક ટીમ પણ તપાસમાં જોડાઈ

પોલિસ હાલમાં આ વાતની તપાસમાં જોડાઈ છે અને સાથે અમરાવતી સેન્ટ્રલ જેલની અંદર બોમ્બ જેવી વસ્તુ ફેંકવાની પાછળનું કારણ શું છે. તેને લઈને પોલિસ અધિકારી પણ તપાસમાં જોડાયા છે. પોલીસનું કહેવું છે કે વિસ્ફોટક માટે કઈ ચીજનો ઉપયોગ કરાયો છે એ જાણવા માટે ફોરેન્સિક ટીમની તપાસ ચાલી રહી છે. હવે તપાસ બાદ જ નક્કી થઈ શકશે કે વિસ્ફોટક ફેંકનારાએ કયા મટિરિયલનો ઉપયોગ કર્યો છે.