મહારાષ્ટ્રના મુખ્યમંત્રી તરીકે આજે દેવેન્દ્ર ફડણવીસ સીએમ પદના શપથ લેશે. જ્યારે એકનાથ શિંદે અને અજિત પવાર ડેપ્યુટી સીએમ તરીકે શપથ લેશે. મહત્વનું છે કે ગઇકાલે ભાજપના ધારાસભ્ય દળની બેઠક મળી હતી જેમાં દેવેન્દ્ર ફડણવીસને ધારાસભ્ય દળના નેતા તરીકે પસંદગી કરવામાં આવી હતી. ત્યારે આજે સાંજે 5.30 કલાકે મુંબઇના આઝાદ મેદાનમાં શપથ ગ્રહણ સમારોહ યોજાશે.

કોણ રહેશે હાજર ?

શપથગ્રહણ કાર્યક્રમમાં PM નરેન્દ્ર મોદી, કેન્દ્રીય ગૃહમંત્રી અમિત શાહ, બિહારના મુખ્યમંત્રી નીતિશ કુમાર અને તમામ NDA નેતાઓ હાજર રહેશે. સીએમ તરીકે ફડણવીસની આ ત્રીજી ઇનિંગ હશે. જો કે હજુ સુધી કેબિનેટને લઈને ચિત્ર સ્પષ્ટ થયું નથી. પાવર શેરિંગ ફોર્મ્યુલા પર વાતચીત બુધવારે સાંજ સુધી ચાલુ રહી હતી. બેઠકોના અનેક રાઉન્ડ થયા છે. સૂત્રોનું કહેવું છે કે કેબિનેટને લઈને ભાજપ, શિવસેના અને એનસીપી વચ્ચે લગભગ સહમતિ છે. માત્ર વિતરણ અને નામોની જાહેરાત કરવાની બાકી છે. ત્યારે સૂત્રો દ્વારા મળતી માહિતી મુજબ કોણ હશે સંભવિત મંત્રીઓ તે વિશે જાણીએ.