Meghalaya: BSF જવાન પર હાથીના ટોળાએ કર્યો હુમલો, SIનું મોત, કોન્સ્ટેબલ ઘાયલ

• BSFની 100 બટાલિયનના SI પર હાથીએ કર્યો હુમલો
  
• હુમલામાં SIનું ઘટનાસ્થળે જ મોત, કોન્સ્ટેબલ ઘાયલ
• ઇજાગ્રસ્ત કોન્સ્ટેબલને સારવાર અર્થે હોસ્પિટલ ખસેડાયા

મેઘાલયમાં BSFની 100 બટાલિયનના સબ-ઇન્સ્પેક્ટર અને કોન્સ્ટેબલ પર જંગલી હાથીઓના ટોળાએ હુમલો કર્યો હતો. હુમલામાં SIનું ઘટનાસ્થળે જ મોત થયું હતું. સ્થાનિક પોલીસે જણાવ્યું કે, તેમના મૃતદેહને અંતિમ સંસ્કાર માટે તેમના ઘરે લઈ જવામાં આવી રહ્યો છે.

મેઘાલયમાં એક ખૂબ જ દર્દનાક ઘટના સામે આવી છે. મેઘાલયમાં હાથીઓના ટોળાએ સેનાના જવાનો પર હુમલો કર્યો. BSFના એક અધિકારી પાસેથી મળેલી માહિતી અનુસાર, મેઘાલયના પશ્ચિમ ગારો હિલ્સ જિલ્લામાં ભારત-બાંગ્લાદેશ આંતરરાષ્ટ્રીય સરહદના દૂરના ભાગમાં ફરજ પર હતા ત્યારે, જંગલી હાથીઓના ટોળાએ BSFના એક જવાન પર હુમલો કર્યો અને તેને કચડી નાખ્યો અને એક કોન્સ્ટેબલનું બુધવારે સવારે મોત નીપજ્યું છે.

પશ્ચિમ ગારો હિલ્સના પોલીસ અધિક્ષક અબ્રાહમ સંગમાએ જણાવ્યું હતું કે બીએસએફની 100 બટાલિયનના સબ-ઇન્સ્પેક્ટર અને કોન્સ્ટેબલ, જેઓ ડાલુ ડબ્લ્યુજીએચ નજીક આંતરરાષ્ટ્રીય સરહદ પર ફરજ પર હતા, તેમના પર જંગલી હાથીઓના ટોળાએ હુમલો કર્યો હતો. હુમલામાં SIનું ઘટનાસ્થળે જ મોત નીપજ્યું હતું, જ્યારે કોન્સ્ટેબલ ઘાયલ થયો હતો અને તેને સારવાર માટે તુરા મોકલવામાં આવ્યો હતો.

અગાઉ પણ કેરળમાં જંગલી હાથીઓના જંગલમાં શૂટિંગ કરી રહેલા કેમેરામેનનું મોત થયું હતું. આ વ્યક્તિ પલક્કડના કોટ્ટેકડમાં જંગલી હાથીઓના દ્રશ્યો શૂટ કરી રહ્યો હતો ત્યારે અચાનક એક હાથીએ તેના પર હુમલો કર્યો. ભાગવાનો પ્રયાસ કરતી વખતે, તે પડી ગયો અને હાથી દ્વારા કચડીને ઘાયલ થયો. આ વ્યક્તિને તાત્કાલિક પલક્કડ જિલ્લા હોસ્પિટલમાં લઈ જવામાં આવ્યો, જ્યાં તેનું મૃત્યુ થયું.