UGC NET Examની નવી તારીખ થઈ જાહેર, આ બે તારીખોએ યોજાશે પરીક્ષા

નેશનલ ટેસ્ટિંગ એજન્સી એટલે કે NTAએ તાજેતરમાં 15 જાન્યુઆરી 2025ના રોજ યોજાનારી UGC NET પરીક્ષા સ્થગિત કરી દીધી હતી, હવે આ પરીક્ષાની નવી તારીખ જાહેર કરવામાં આવી છે. નવા સમયપત્રક મુજબ હવે પરીક્ષાઓ 21 અને 27 જાન્યુઆરી 2025ના રોજ લેવામાં આવશે, એટલે કે, આ પરીક્ષા જે પહેલા એક દિવસમાં લેવામાં આવતી હતી તે હવે બે દિવસમાં લેવામાં આવશે.

21 અને 27 જાન્યુઆરીએ લેવાશે પરીક્ષા

સત્તાવાર સૂચના અનુસાર નેશનલ ટેસ્ટિંગ એજન્સી ટૂંક સમયમાં આ પરીક્ષાઓ માટે એડમિટ કાર્ડ બહાર પાડશે. નવા સમયપત્રક મુજબ પરીક્ષા 21 જાન્યુઆરી, 2025ના રોજ સવારે 9થી બપોરે 12 વાગ્યા સુધી એક જ શિફ્ટમાં લેવામાં આવશે, જ્યારે 27 જાન્યુઆરીએ પરીક્ષાઓ બીજી શિફ્ટમાં બપોરે 3થી સાંજે 6 વાગ્યા સુધી લેવામાં આવશે. 21 જાન્યુઆરીએ ભારતીય જ્ઞાન પ્રણાલી, મલયાલમ, ઉર્દૂ, ગુનાશાસ્ત્ર અને લોક સાહિત્ય જેવા વિષયો માટે પરીક્ષાઓ લેવામાં આવશે, જ્યારે 27 જાન્યુઆરીએ સંસ્કૃત, માસ કોમ્યુનિકેશન અને પત્રકારત્વ, જાપાનીઝ, ઈલેક્ટ્રોનિક વિજ્ઞાન, કાયદો અને નેપાળી.

પરીક્ષા કેમ સ્થગિત કરવામાં આવી?

પોંગલ અને મકરસંક્રાંતિના તહેવારોને ધ્યાનમાં રાખીને NTAએ ડિસેમ્બર 2024ની UGC NET પરીક્ષા સ્થગિત રાખી હતી. સત્તાવાર સૂચનામાં લખ્યું હતું કે, 'નેશનલ ટેસ્ટિંગ એજન્સી (NTA) એ 15 જાન્યુઆરી 2025 ના રોજ યોજાનારી UGC NET ડિસેમ્બર 2024ની પરીક્ષા મુલતવી રાખવાનો નિર્ણય લીધો છે. પરીક્ષાની નવી તારીખ પછીથી જાહેર કરવામાં આવશે. જોકે, 16 જાન્યુઆરીના રોજ યોજાનારી પરીક્ષા મુલતવી રાખવામાં આવી ન હતી. આ પરીક્ષા તેના નિર્ધારિત કાર્યક્રમ મુજબ લેવામાં આવશે.

UGC NET 2024ની પરીક્ષા દેશભરના વિવિધ પરીક્ષા કેન્દ્રો પર કુલ 85 વિષયો માટે બે શિફ્ટમાં લેવામાં આવી રહી છે. આ પરીક્ષા 3 જાન્યુઆરી, 2025ના રોજ શરૂ થઈ હતી અને 16 જાન્યુઆરીના રોજ સમાપ્ત થવાની હતી, પરંતુ 15 જાન્યુઆરીની પરીક્ષા સ્થગિત રાખવાને કારણે હવે છેલ્લી પરીક્ષા 27 જાન્યુઆરીએ લેવામાં આવશે.