વિપક્ષી સાંસદોએ તેમને ખાતરી આપી કે તેમનો સંદેશ આખા દેશમાં પહોંચી ગયો છે અને હવે આ મુદ્દો સંસદમાં પડકારાશે.
ઉપવાસ સમાપ્ત કરવા અપીલ
પ્રતિનિધિમંડળે સોનમ વાંગચુકને ઉપવાસ સમાપ્ત કરવા અપીલ કરતા કહ્યું કે, દેશને, ખાસ કરીને તેના યુવાનોને, તેમના બલિદાન કરતાં તેમના શાણપણ અને માર્ગદર્શનની વધુ જરૂર છે. પરીક્ષાઓમાં કથિત અનિયમિતતાઓ માટે જવાબદારીની વિદ્યાર્થીઓની માંગના સમર્થનમાં વાંગચુક 25 દિવસથી ઉપવાસ પર છે. મેદાંતા હોસ્પિટલમાં પહોંચેલા વિપક્ષી સાંસદોના પ્રતિનિધિમંડળે વાંગચુક અને તેમની પત્ની ગીતાંજલી અંગ્મોને મળ્યા અને કહ્યું કે, ન્યાયી અને પારદર્શક પરીક્ષા પ્રણાલી માટેનો સંઘર્ષ રાષ્ટ્રીય મુદ્દો બની ગયો છે.
વિપક્ષી સાંસદોની પ્રતિક્રિયા
પ્રતિનિધિમંડળમાં કોંગ્રેસના રાજ્યસભા સભ્ય વિવેક તંખા, તૃણમૂલ કોંગ્રેસના રાજ્યસભા સભ્ય સાગરિકા ઘોષ અને ભારતીય સામ્યવાદી પાર્ટી રાજ્યસભા સભ્ય જોન બ્રિટાસનો સમાવેશ થાય છે. વાંગચુકને સોંપવામાં આવેલા પત્રમાં, પ્રતિનિધિમંડળે કહ્યું, દેશને, ખાસ કરીને તેના યુવાનોને, તમારા બલિદાન કરતાં તમારા શાણપણ અને માર્ગદર્શનની વધુ જરૂર છે. જેમ લદ્દાખના કેન્દ્રશાસિત પ્રદેશને સોનમ વાંગચુકની જરૂર છે, તેમ ભારતને પણ તમારી જરૂર છે. દુઃખ સહન કરવા માટે નહીં, પરંતુ સેવા કરવા માટે, ભવિષ્યની પેઢીઓને લાભ થાય તેવા મુદ્દાઓ પર કામ કરવા માટે. દેશને તમારી જરૂર છે.
ભારતને તમારી જરુરીઃ વિપક્ષી સાસંદો
વાંગચુકને સોંપવામાં આવેલા પત્રમાં, વિપક્ષી સાંસદોએ કહ્યું કે, સામાજિક કાર્યકર્તાના ભારતના યુવાનોના કલ્યાણ માટે નિઃસ્વાર્થ સમર્પણ અને એક ન્યાયી, પારદર્શક અને જવાબદાર પરીક્ષા પ્રણાલી માટેના તેમના હિમાયતીએ દેશભરના લાખો લોકોને પ્રેરણા આપી છે. તેમણે કહ્યું, સંસદના સભ્યો તરીકે, અમે તમને તમારા ઉપવાસ સમાપ્ત કરવા વિનંતી કરીએ છીએ. અમે રાષ્ટ્રીય ચળવળ અને શિક્ષણ સુધારણા અને ભારતીય યુવાનોના ભવિષ્યને લગતા મુદ્દાઓ પર સંસદમાં ચર્ચા ચાલુ રાખીશું જેને તમે આટલા સમર્પિતપણે સમર્થન આપ્યું છે.
શુ હતો મામલો ?
વાંગચુક 28 જૂને જંતર-મંતર ખાતે સીજેપીના નેતૃત્વ હેઠળના વિરોધ પ્રદર્શનમાં જોડાયા અને કથિત પરીક્ષા અનિયમિતતાઓ, શિક્ષણ પ્રણાલીમાં સુધારા અને કેન્દ્રીય શિક્ષણ પ્રધાન ધર્મેન્દ્ર પ્રધાનના રાજીનામાની માંગણી કરતા વિદ્યાર્થીઓના સમર્થનમાં અનિશ્ચિત ઉપવાસ શરૂ કર્યા હતા. 18 જુલાઈના રોજ, દિલ્હી પોલીસે વાંગચુકને જંતર-મંતર પરથી હટાવીને સફદરજંગ હોસ્પિટલમાં લઈ ગયા. જોકે, દિલ્હી હાઈકોર્ટના આદેશ બાદ મંગળવારે તેમને મેદાંતા હોસ્પિટલમાં ખસેડવામાં આવ્યા હતા.
આ પણ વાંચોઃ રેમિટેન્સ મેળવવામાં ભારત વિશ્વમાં પ્રથમ, જાણો કયા દેશોમાંથી આવે છે સૌથી વધુ પૈસા?