સૌથી વધુ પ્રવાહ યુએસ, યુએઈ અને યુકે જેવા વિકસિત અને ખાડી દેશોમાંથી આવે છે.
સ્થળાંતરિત લોકો ઘરે પૈસા મોકલવામાં મોખરે
વૈશ્વિક ભૂરાજકીય ઉથલપાથલ, યુદ્ધો અને આર્થિક પડકારો છતાં, વિદેશમાં રહેતા સ્થળાંતરિત લોકો ઘરે પૈસા મોકલવામાં મોખરે છે. મધ્ય પૂર્વમાં તણાવ અને આંતરરાષ્ટ્રીય બજારોમાં અનિશ્ચિતતા હોવા છતાં, ભારતમાં રેમિટન્સમાં રેકોર્ડ વધારો નોંધવામાં આવ્યો છે. નાણા મંત્રાલયના ડેટા દર્શાવે છે કે વિદેશી રેમિટન્સ પ્રાપ્ત કરવાના સંદર્ભમાં ભારત વિશ્વમાં ટોચ પર છે.
રેમિટન્સ પ્રાપ્ત કરવામાં ભારતનું પ્રભુત્વ
વિદેશોમાંથી રેમિટન્સ પ્રાપ્ત કરનારા દેશોની વૈશ્વિક યાદીમાં ભારત ટોચનું સ્થાન જાળવી રાખે છે. નાણાકીય વર્ષ 2024-25 દરમિયાન, ભારતે આશરે $135 થી $137 બિલિયન રેમિટન્સ પ્રાપ્ત કરીને એક નવો રેકોર્ડ બનાવ્યો છે. જે આગામી નાણાકીય વર્ષમાં વધીને આશરે $144.8 બિલિયન થયો. આ વૈશ્વિક યાદીમાં ભારત પછી મેક્સિકો બીજા ક્રમે છે, ત્યારબાદ ચીન, ફિલિપાઇન્સ અને પાકિસ્તાન આવે છે. આ રેમિટન્સ મંદી દરમિયાન પણ આ બધા વિકાસશીલ દેશોની સ્થાનિક અર્થવ્યવસ્થાઓને નોંધપાત્ર ટેકો પૂરો પાડે છે.
શું છે રેમિટન્સ ?
સરળ શબ્દોમાં કહીએ તો, જ્યારે રોજગાર અથવા વ્યવસાયિક હેતુ માટે વિદેશમાં રહેતી વ્યક્તિ પોતાના પરિવારને પૈસા મોકલે છે, ત્યારે તેને રેમિટન્સ કહેવામાં આવે છે. ભારતીય રિઝર્વ બેંક અનુસાર, આ વિદેશી વિનિમય પ્રવાહ દેશ માટે ખૂબ જ સ્થિર અને વિશ્વસનીય આર્થિક ટેકો પૂરો પાડે છે. આંતરરાષ્ટ્રીય શેરબજારોમાં વધઘટ, વૈશ્વિક મંદી અથવા બે દેશો વચ્ચે ચાલી રહેલા લશ્કરી સંઘર્ષો આ પ્રવાહને ખાસ અસર કરતા નથી. આ રકમ સીધી સામાન્ય પરિવારો સુધી પહોંચે છે. જેના કારણે દેશની અંદર બજારમાં ખરીદી અને માંગ રહે છે.
આ પણ વાંચોઃ જાપાનના આ ગામમાં ખીલી વગર કેમ ટકી રહ્યા છે લાકડાના પરંપરાગત ઘરો, જાણો કઇ છે ટેક્નોલોજી?