તો આ તરફ, પીએમ મોદીના અમેરિકા પ્રવાસ મામલે ભારત તરફથી હજુ સુધી કોઈ પુષ્ટિ કરવામાં આવી નથી.
ભારતે નથી આપી સ્પષ્ટ માહિતી
પીએમ મોદી આ વર્ષે ડિસેમ્બરમાં અમેરિકાની મુલાકાત લઈ શકે છે. ભારતમાં અમેરિકાના રાજદૂત સર્જિયો ગોરે આ વાતની પુષ્ટિ કરી છે, જોકે ભારતે હજુ સુધી આ મુલાકાતની સ્પષ્ટ માહિતી આપી નથી. હકીકતમાં, G-20 સમિટ પણ આ જ સમયે યોજાવાની છે અને પીએમ મોદી હાજરી આપે તેવી અપેક્ષા છે. સર્જિયો ગોરે જણાવ્યું હતું કે, અમેરિકા ફરી પીએમ મોદીનું સ્વાગત કરવા આતુર છે. જોકે હજુ સુધી વડાપ્રધાન માટે કોઈ સત્તાવાર સમયપત્રક જાહેર કરવામાં આવ્યું નથી.
Also Read
સર્જિયો ગોરનુ નિવેદન
યુએસ-ઈન્ડિયા સ્ટ્રેટેજિક પાર્ટનરશિપ ફોરમ લીડરશીપ સમિટ દરમિયાન, સર્જિયો ગોરે જણાવ્યું હતું કે, તાજેતરમાં ભારતની મુલાકાતે આવેલા યુએસ સેક્રેટરી ઓફ સ્ટેટ માર્કો રુબિયોએ પીએમ મોદીને યુએસ મુલાકાત માટે આમંત્રણ આપ્યું હતું. જોકે, પીએમ મોદીએ કોઈ જવાબ આપ્યો ન હતો. તેમણે આશા વ્યક્ત કરી હતી કે બંને દેશો વચ્ચે ટૂંક સમયમાં એક વચગાળાનો વેપાર કરાર થઈ શકે છે. ગોરે જણાવ્યું હતું કે ભારત અને અમેરિકા વચ્ચેના વેપાર સંબંધો સતત મજબૂત થઈ રહ્યા છે, અને બંને દેશોની કંપનીઓ એકબીજાના દેશોમાં રોકાણ અને વ્યવસાય વધારી રહી છે.
માર્કો રુબિયો ફરી ભારતની મુલાકાત લેશે
યુએસ ભારત સાથેના તેના વ્યૂહાત્મક સંબંધોને વધુ ગાઢ બનાવવા પર ધ્યાન કેન્દ્રિત કરી રહ્યું છે. ભારતમાં યુએસ રાજદૂત સર્જિયો ગોરે જાહેરાત કરી હતી કે યુએસ સેક્રેટરી ઓફ સ્ટેટ માર્કો રુબિયો આ વર્ષના અંતમાં ભારતની બીજી મુલાકાત લેશે. યુએસ-ઈન્ડિયા સ્ટ્રેટેજિક પાર્ટનરશિપ ફોરમ લીડરશીપ સમિટ 2026 માં બોલતા, ગોરે જણાવ્યું હતું કે યુએસને ભારતમાં સંપૂર્ણ વિશ્વાસ છે. ભારતને એક વિશ્વસનીય અને મજબૂત વ્યૂહાત્મક ભાગીદાર માનવામાં આવે છે. ગોરે જણાવ્યું હતું કે યુએસ કંપનીઓનો ભારતમાં રોકાણ કરવાનો વિશ્વાસ હવે ઐતિહાસિક સ્તરે પહોંચ્યો છે.
માર્કો રુબિયો ભારતની ચાર દિવસની મુલાકાતે
ગોરે જણાવ્યું હતું કે વેપાર કરાર પર વાટાઘાટો તેમના અંતિમ તબક્કામાં પહોંચી ગઈ છે, જોકે હજારો વસ્તુઓ અને અસંખ્ય કાનૂની પાસાઓ પર કરારો થવાની જરૂર છે. આ પ્રક્રિયા થોડી જટિલ છે, પરંતુ તે સકારાત્મક દિશામાં આગળ વધી રહી છે. ગોરે પુનરોચ્ચાર કર્યો કે, યુએસ પ્રમુખ ડોનાલ્ડ ટ્રમ્પ ભારત સાથેના સંબંધોને મહત્વ આપે છે અને બંને દેશો વચ્ચે સહયોગ વધારવામાં રસ ધરાવે છે. USISPF ના માનદ વરિષ્ઠ સલાહકાર અલ મેસનએ આ પ્રસંગે ટિપ્પણી કરી હતી કે ભારત અને યુએસ વચ્ચેના સંબંધો ઉર્જાવાન બન્યા છે અને હવે મજબૂત રીતે આગળ વધી રહ્યા છે.
આ પણ વાંચોઃ નીચલી કોર્ટ બાદ, હાઈકોર્ટે પણ હનીમૂન હત્યા કેસમાં સોનમ રઘુવંશીને આપી રાહત
