પશ્ચિમ બંગાળ વિધાનસભા ચૂંટણીમાં ભારતીય જનતા પાર્ટીની પ્રચંડ જીત બાદ કેન્દ્રીય ગૃહમંત્રી અમિત શાહે સોશિયલ મીડિયા પ્લેટફોર્મ X પર એક અત્યંત ભાવુક પોસ્ટ લખી છે. તેમણે આ જીતને ભય, તુષ્ટિકરણ અને ઘૂસણખોરો સામે બંગાળની જનતાનો કરારો જવાબ ગણાવ્યો છે. શાહે સ્પષ્ટ કર્યું છે કે ટીએમસીના ભયના શાસન સામે જનતાએ વડાપ્રધાન નરેન્દ્ર મોદીના ભરોસા પર મહોર મારી છે.
કાર્યકરોનું બલિદાન એળે નહીં જાય
અમિત શાહે આ જીતને ભાજપના તે અસંખ્ય કાર્યકરોને અર્પણ કરી છે જેમણે હિંસા વચ્ચે પણ ભગવો ધ્વજ છોડ્યો નથી. તેમણે લખ્યું, "શૂન્યથી પ્રચંડ બહુમતી સુધીની આ સફરમાં જે કાર્યકરોએ પોતાના પ્રાણોની આહુતિ આપી અને યાતનાઓ સહન કરી, આ જીત તે શહીદોને સાચી શ્રદ્ધાંજલિ છે. ગંગોત્રીથી લઈને ગંગાસાગર સુધી આજે ભાજપનો ભગવો ધ્વજ ગૌરવથી લહેરાઈ રહ્યો છે."