પશ્ચિમ બંગાળમાં વિધાનસભા ચૂંટણીના પ્રથમ તબક્કાના મતદાનમાં જનતાએ ઇતિહાસ રચી દીધો છે. 23 એપ્રિલના રોજ યોજાયેલા મતદાનમાં હિંસાની છૂટીછવાઈ ઘટનાઓ વચ્ચે પણ લોકોમાં ભારે ઉત્સાહ જોવા મળ્યો હતો. રાજ્યમાં આ વખતે 92.9 ટકા જેટલું અધધ મતદાન થયું છે, જે આઝાદી પછીનો સૌથી મોટો આંકડો છે. ત્યારે આ રેકોર્ડ બ્રેક મતદાન બદલ કેન્દ્રીય ગૃહમંત્રી અમિત શાહે જનતાનો આભાર માન્યો હતો.
રેકોર્ડબ્રેક મતદાન માટે જનતાનો આભાર- અમિત શાહ
ગઈકાલે, 2026 બંગાળ વિધાનસભા ચૂંટણીના પ્રથમ તબક્કાના મતદાનમાં, બધા રેકોર્ડ તોડીને, બંગાળના લોકોએ બંગાળમાં પરિવર્તન માટે અભૂતપૂર્વ ઉત્સાહ અને ઉત્સાહ સાથે મતદાન કર્યું. દેશભરના લોકશાહીમાં વિશ્વાસ રાખનારા લોકો માટે મતદાન ઉત્સાહજનક છે... હું બંગાળના તમામ મતદારોને અભિનંદન અને આભાર માનવા માંગુ છું જેમણે પ્રથમ તબક્કામાં મતદાન કર્યું. તમે ભયથી વિશ્વાસ સુધીની સફર ખૂબ સફળતાપૂર્વક શરૂ કરી છે, અને બીજા તબક્કાના મતદારો પણ ભયથી વિશ્વાસ સુધીની આ સફર ચાલુ રાખશે.
152માંથી 110થી વધારે બેઠકો ભાજપ જીતશે- અમિત શાહ
અમિત શાહે પ્રેસ કોન્ફરન્સ સંબોધતા કહ્યું કે બંગાળની જનતાએ પ્રથમ તબક્કામાં ભવિષ્ય નક્કી કર્યુ છે. બંગાળમાંથી દીદી જવાના છે. 152 માંથી 110 બેઠક ભાજપ જીતશે તેવો વિશ્વાસ વ્યક્ત કર્યો. તેમણે કહ્યું કે બંગાળમાં પ્રચંડ બહુમત આવી રહી છે. અમારી ટીમે વોટિંગનું આકલન કર્યું. બંગાળમાં સિન્ડિકેટને સંપૂર્ણ રીતે નાબૂદ કરી દઇશું, ભ્રષ્ટાચારીઓને કડકમાં કડક સજા મળશે.
બંગાળનો સીએમ બંગાળી જ હશે- અમિત શાહ
સાથે જ અમિત શાહે એ વિશ્વાસ અપાવ્યો છે બંગાળમાં આગામી સીએમ બંગાળનો જ હશે. તેમણે એમ પણ કહ્યું કે પરિવર્તન એટલે ભ્રષ્ટાચાર મુક્ત શાસન. બંગાળને દરેક રીતે સમૃદ્ધ કરીશું. સરકારી જમીનો પરથી કબ્જો હટાવીશું. તેમણે કહ્યું કે બંગાળના મુખ્યમંત્રી એવી અફવા ફેલાવી રહ્યા છે કે જો બંગાળમાં ભાજપ સત્તામાં આવશે તો બહારના લોકો રાજ કરશે. હું દીદીને કહેવા માંગુ છું કે, બંગાળના આગામી મુખ્યમંત્રી એવા હશે જેનો જન્મ બંગાળમાં થયો હશે, બંગાળી માધ્યમમાં ભણેલો હશે અને બંગાળી બોલી શકશે... એકમાત્ર વાત એ છે કે તમારો ભત્રીજો ત્યાં નહીં હોય. મુખ્યમંત્રી ભાજપ કાર્યકર હશે.
દીદી જવાની તૈયારીમાં છે- અમિત શાહ
અમિત શાહે વધુમાં કહ્યું કે અમને મળેલા પ્રતિસાદમાં, બંગાળના લોકોએ પહેલા તબક્કામાં પોતાનું ભવિષ્ય નક્કી કરી લીધું છે... 16 જિલ્લાઓની ૫૨ બેઠકો પર થયેલા 92.98 % મતદાનનો અર્થ એ થયો કે દીદી જવાની તૈયારીમાં છે અને ભાજપ આવવાનું છે, ભય જવાનો છે અને વિશ્વાસ આવવાનો છે. અમે ગઈકાલે રાત્રે સમિતિના તમામ સભ્યો સાથે મૂલ્યાંકન કર્યું છે.... ભાજપ 152 બેઠકોમાંથી 110 થી વધુ બેઠકો જીતવા જઈ રહી છે... આનો અર્થ એ છે કે બીજા તબક્કાની ચૂંટણી પછી, અમે બંગાળમાં સંપૂર્ણપણે ભાજપની સરકાર બનાવવા જઈ રહ્યા છીએ.
