ચૂંટણી પંચે ખાસ સુધારા પછી આસામમાં અંતિમ મતદાર યાદી જાહેર કરી છે. ચૂંટણી પંચે જણાવ્યું હતું કે તેમાં 2.49 કરોડ મતદારોના નામ સામેલ છે, જે ડ્રાફ્ટ મતદાર યાદીની તુલનામાં 0.97 ટકાનો ઘટાડો છે. ચૂંટણી પંચના એક અધિકારીએ જણાવ્યું હતું કે અંતિમ મતદાર યાદીમાં આશરે 1.25 કરોડ પુરુષો, 1.24 કરોડ મહિલાઓ અને 343 ત્રીજી જાતિના મતદારોના નામ શામેલ છે.
2.43 લાખથી વધુ નામને યાદીમાંથી હટાવવામાં આવ્યા
આસામના મુખ્ય ચૂંટણી અધિકારી દ્વારા જાહેર કરાયેલા એક નિવેદનમાં કહેવામાં આવ્યું છે કે, "દાવાઓ અને વાંધાઓની પ્રક્રિયા પૂર્ણ થયા પછી અંતિમ મતદાર યાદી જાહેર કરવામાં આવી છે. આ સંખ્યા ડ્રાફ્ટ યાદીમાં સમાવિષ્ટ નામો કરતા 0.97 ટકા ઓછી છે." નિવેદનમાં વધુમાં જણાવાયું છે કે ડ્રાફ્ટ યાદીમાં સમાવિષ્ટ 2.43 લાખથી વધુ નામોને અંતિમ મતદાર યાદીમાંથી દૂર કરવામાં આવ્યા છે. ગયા વર્ષે 27 ડિસેમ્બરમાં બહાર પાડવામાં આવેલી ડ્રાફ્ટ યાદીમાં 2.52 કરોડ મતદારોના નામ હતા. એ નોંધવું જોઈએ કે આગામી થોડા મહિનામાં રાજ્યમાં વિધાનસભાની ચૂંટણીઓ યોજાવાની છે. આ પહેલા એક ખાસ સુધારો કરવામાં આવ્યો છે.
