અયોધ્યામાં રામ મંદિરમાં ચઢાવવામાં આવતા પ્રસાદમાં કથિત અનિયમિતતા અને ચોરી અંગે એફઆઈઆર નોંધવામાં આવ્યા આઠેય લોકોને ઝડપી પાડ્યા છે. ટ્રસ્ટના સભ્ય કૃષ્ણ મોહન દ્વારા દાખલ કરાયેલી ઔપચારિક ફરિયાદના આધારે રામ જન્મભૂમિ તીર્થ ક્ષેત્ર ટ્રસ્ટ વતી આ એફઆઈઆર દાખલ કરવામાં આવી હતી.

કુલ 8 વ્યક્તિઓની ધકપકડ

પોલીસે આ કેસમાં કુલ આઠ વ્યક્તિઓના નામ આપ્યા છે. ભારતીય ન્યાય સંહિતા (BNS) અને ભ્રષ્ટાચાર નિવારણ અધિનિયમ (PC Act) ની કલમ 306, 316, 317, 317(4), 317(5), 61 અને 3(5) હેઠળ એફઆઈઆર નોંધવામાં આવી છે.

SIT એ 23 જૂનના રોજ પ્રારંભિક અહેવાલ રજૂ કર્યો

મુખ્યમંત્રી યોગી આદિત્યનાથે જણાવ્યું હતું કે SIT ની નિષ્પક્ષ તપાસ સંપૂર્ણ સત્યને પ્રકાશમાં લાવશે અને દોષિતોને છોડવામાં આવશે નહીં. આ મામલાની તપાસ કરી રહેલી SIT ના મુખ્ય સભ્ય અને લખનૌના ડિવિઝનલ કમિશનર વિજય વિશ્વાસ પંતે મંગળવારે (23 જૂન) પ્રારંભિક અહેવાલ રજૂ કર્યો.

કોણ છે 8 લોકો જેની ધરપકડ થઇ ?

એફઆઈઆરમાં નામ આપવામાં આવેલા વ્યક્તિઓમાં રામશંકર યાદવ ઉર્ફે ટીનુ (ચંપત રાયના નજીકના સહયોગી), અનુકલ્પ મિશ્રા, અવિનાશ શુક્લા, કરુણેશ પાંડે, મનીષ યાદવ, લવકુશ મિશ્રા, રામ શંકર મિશ્રા અને સુભાષ શ્રીવાસ્તવ (કાઉન્ટિંગ ઇન્ચાર્જ અને નિવૃત્ત બેંક કર્મચારી)નો સમાવેશ થાય છે.

6 કેશિયર છે, બે લોકો રોકડ ગણતરીના ઇન્ચાર્જ

રામ મંદિર ટ્રસ્ટે પ્રસાદની ચોરી અંગે એફઆઈઆર નોંધાવી છે. જોકે, રામ મંદિર ટ્રસ્ટની એફઆઈઆરમાં ચંપત રાયનું નામ દેખાતું નથી. અનિલ મિશ્રા અને ગોપાલ રાવના નામ પણ એફઆઈઆરમાં સામેલ નથી. રામ મંદિર ટ્રસ્ટે આઠ વ્યક્તિઓ સામે નામવાળી એફઆઈઆર નોંધાવી છે. રામ મંદિર ટ્રસ્ટના કોઈ સભ્યનું નામ એફઆઈઆરમાં નથી. આ આઠ વ્યક્તિઓમાં, છ કેશિયર છે જે પ્રસાદની ગણતરી માટે જવાબદાર છે.

ચંપત રાયના ડ્રાઇવર, ટીનુ યાદવનું નામ પણ એફઆઈઆરમાં સામેલ છે. રામ મંદિર ટ્રસ્ટના સભ્ય કૃષ્ણ મોહને આ એફઆઈઆર નોંધાવી છે. બિનજામીનપાત્ર કલમો લાગુ કરતી એફઆઈઆર, SIT ના પ્રારંભિક તપાસ અહેવાલના આધારે નોંધવામાં આવી છે. ઉલ્લેખનીય છે કે સુભાષ શ્રીવાસ્તવ અને ટીનુ યાદવ રોકડ ગણતરી ટીમના ઇન્ચાર્જ હતા.

સૂત્રોના જણાવ્યા અનુસાર, કેસમાં નામ આપવામાં આવેલા આઠ વ્યક્તિઓમાંથી, સુભાષ શ્રીવાસ્તવ અને તિનુ યાદવને રોકડ ગણતરી ટીમના ઇન્ચાર્જ તરીકે ઓળખવામાં આવ્યા છે, જ્યારે અન્ય છ લોકો ગણતરી પ્રક્રિયા સાથે સંકળાયેલા કર્મચારીઓ હોવાનું જાણવા મળ્યું છે.

તપાસ એજન્સીઓને કયા પુરાવા મળ્યા છે?

પ્રાથમિક માહિતી સૂચવે છે કે તપાસ એજન્સીઓને કથિત ગેરરીતિઓ સંબંધિત સીસીટીવી ફૂટેજ મળ્યા છે. વધુમાં ટીનુ યાદવના ભત્રીજા મનીષ યાદવ જે ગણતરી પ્રક્રિયામાં કથિત રીતે સામેલ હતા . તેનું નામ પણ એફઆઈઆરમાં સામેલ કરવામાં આવ્યું છે.

એફઆઈઆરના આધારે વધુ તપાસ: પોલીસ

આ મામલે ફરિયાદ નોંધાવનાર કૃષ્ણ મોહન, ભૂતપૂર્વ ભારતીય વન સેવા (IFS) અધિકારી છે. તેઓ 73 વર્ષના છે અને સંઘ સાથે પણ સંકળાયેલા છે. પોલીસ જણાવે છે કે નોંધાયેલ FIR ના આધારે વધુ તપાસ આગળ વધશે. જો તપાસ દરમિયાન અન્ય વ્યક્તિઓની સંડોવણી બહાર આવશે, તો તેમની સામે પણ કાયદેસરની કાર્યવાહી કરવામાં આવશે.