બિહાર વિધાનસભા ચૂંટણીના બીજા તબક્કાનું મતદાન હવે થવાનું છે. પ્રથમ તબક્કાનું મતદાન પૂર્ણ થઇ ગયું. ત્યારે દરેક રાજકીય પક્ષો દ્વારા જે નિવેદનો આપવામાં આવી રહ્યા છે તેનાથી નવા સમીકરણો જોવા મળી રહ્યા છે. ત્યારે હવે આરજેડી વડા લાલુ પ્રસાદ યાદવના મોટા પુત્ર, તેજ પ્રતાપ યાદવે શુક્રવારે એક મહત્વપૂર્ણ નિવેદન આપ્યું.
જેની પાસે બહુમત હોય તેની પાસે જઇશ- તેજ પ્રતાપ
તેજ પ્રતાપે કહ્યું કે તેઓ 14 તારીખે જનતા જેને પણ ચૂંટે છે તેને ટેકો આપશે પછી ભલે તે કોઈ પણ હોય. તેમના નિવેદનથી રાજકીય વર્તુળોમાં એક નવી ચર્ચા શરૂ થઈ છે.તેઓએ કહ્યું કે બિહારની જનતા આ વખતે પરિવર્તન ઇચ્છે છે અને 14 નવેમ્બરે પરિવર્તન જોવા મળશે. તેમણે કહ્યું કે રોજગારીનું સર્જન કરનાર, સ્થળાંતર બંધ કરનાર અને ખેડૂતોની સમસ્યાઓનું નિરાકરણ કરનાર પાર્ટીને તેઓ ટેકો આપશે. તેમણે સ્પષ્ટતા કરી કે તેમનું રાજકારણ કોઈ વ્યક્તિ કે પક્ષ વિરુદ્ધ નથી પરંતુ લોકોના અધિકારો માટે છે. તેમનો ઉદ્દેશ સત્તામાં આવવાનો નથી, પરંતુ લોકોનો અવાજ બનવાનો છે. તેઓ કોઈપણ પક્ષ કે નેતાને ટેકો આપશે જે જાહેર હિતમાં કામ કરે છે.
