Bihar Exit Poll 2025 : બિહારમાં ફરી બનશે NDA સરકાર! જાણો કઈ પાર્ટીને કેટલી સીટો મળવાનું છે અનુમાન

બિહાર વિધાનસભા ચૂંટણી 2025ના અંતિમ તબક્કાનું મતદાન પૂર્ણ થઈ ચૂક્યું છે. અલગ અલગ સર્વે એજન્સીઓએ જે સર્વે કર્યા હતા, તે એક્ઝિટ પોલના પરિણામ આવવાના શરૂ થઈ ગયા છે. તે એ વાતનો પ્રથમ સંકેત આપી રહ્યા છે કે આ વખતે ફરી NDA સરકારમાં પરત ફરશે.

જાણો એક્ઝિટ પોલના સટીક આંકડાઓ વિશે

MATRIZE- આઈએએનએસનો એક્ઝિટ પોલ સામે આવ્યો છે, જેમાં NDAને 147-167 સીટ તથા મહાગઠબંધનને 70-90 સીટ મળવાનું અનુમાન છે. આ સિવાય 4 અન્ય એક્ઝિટ પોલ સામે આવ્યા છે, તેમાં પણ NDAને બહુમત મળતો જોઈ શકાય છે.

JVC પોલ- ત્યારે જેવીસી એક્ઝિટ પોલમાં પણ NDAને બહુમત મળતું જોઈ શકાય છે. જેમાં એનડીએને 135-150 સીટ મળવાનું અનુમાન છે, જ્યારે મહાગઠબંધનને 88-103 સીટ મળી શકે છે તો અન્યના ખાતામાં 3-6 સીટ જવાનું અનુમાન છે.

પીપલ્સ ઈન્સાઈટ- પીપલ્સ ઈન્સાઈટના એક્ઝિટ પોલમાં પણ એનડીએને 133-148 સીટ મળી શકે છે તો મહાગઠબંધનના ખાતામાં 87-102 સીટ જઈ શકે છે. જનસુરાજને 0-2 સીટ તથા અન્ય પાર્ટીને 3-6 સીટ મળવાનું અનુમાન છે.

પોલ્સ ઓફ પોલ્સ- ત્યારે પોલ્સ ઓફ પોલ્સની વાત કરીએ તો તેમાં પણ એનડીએ જબરદસ્ત વાપસી કરતી જોઈ શકાય છે અને 138-155 સીટ મેળવી શકે છે તો મહાગઠબંધનને 82-98 સીટ મળવાનું અનુમાન લગાવવામાં આવી રહ્યું છે.

પોલ સ્ટાર- બિહાર ચૂંટણીને લઈ પોલ સ્ટારનો એક્ઝિટ પોલ સામે આવ્યો છે, જેમાં સ્પષ્ટ બહુમતની સરકાર એનડીએની બનતી જોવા મળી રહી છે. પોલ સ્ટાર મુજબ એનડીએને 133-148 સીટ, મહાગઠબંધનને 87-102 અને અન્ય લોકોને 3-5 સીટ મળી શકે છે. ત્યારે જો પાર્ટી મુજબ વાત કરીએ તો ભાજપને 68-72 સીટ અને જદયુને 55-60 સીટ, લોજપાને 9-12 સીટ મળી શકે છે.

ઉલ્લેખનીય છે કે આ વખતે બિહારમાં બે તબક્કામાં મતદાન થયું છે. પ્રથમ તબક્કામાં 6 નવેમ્બરે અને બીજા તબક્કામાં 11 નવેમ્બરે મતદાન થયું છે અને ચૂંટણીના પરિણામ 14 નવેમ્બરે શુક્રવારે જાહેર કરવામાં આવશે.