નવી દિલ્હીમાં ચાલી રહેલી ૧૮મી બ્રિક્સ સમિટમાંથી એક અત્યંત શક્તિશાળી અને ચર્ચાસ્પદ છબી સામે આવી છે, જેણે સમગ્ર વિશ્વનું ધ્યાન ખેંચ્યું છે. બ્રિક્સ સમિટના 'ફેમિલી ફોટો'માં ભારતની કૂટનીતિક તાકાત સ્પષ્ટપણે જોવા મળી રહી છે. આ તસવીરમાં વડાપ્રધાન નરેન્દ્ર મોદી ફોટોના બિલકુલ કેન્દ્રમાં બિરાજમાન છે, જ્યારે તેમની જમણી બાજુ રશિયાના રાષ્ટ્રપતિ વ્લાદિમીર પુતિન અને ડાબી બાજુ ચીનના રાષ્ટ્રપતિ શી જિનપિંગ નજરે પડે છે. આ દશ્ય દુનિયાને સ્પષ્ટ સંકેત આપે છે કે જો ભારત, રશિયા અને ચીન જેવા અગ્રણી દેશો એકસાથે આવે, તો વૈશ્વિક સ્તરે એક વિશાળ શક્તિનું નિર્માણ થાય છે, જે આંતરરાષ્ટ્રીય સમીકરણો બદલવાની ક્ષમતા ધરાવે છે.
સહિયારા દ્રષ્ટિકોણ અને સહકાર પર ભાર
ફેમિલી ફોટોશૂટ બાદ વડાપ્રધાન નરેન્દ્ર મોદીએ વૈશ્વિક નેતાઓને સંબોધિત કરતા જણાવ્યું હતું કે ભારતના અધ્યક્ષપદ હેઠળ તમામ પ્રયાસો "સતર્કતા, નવીનતા, સહકાર અને ટકાઉપણું" ના ચાર મુખ્ય સ્તંભો પર આધારિત છે. તેમણે ખુશી વ્યક્ત કરી કે તમામ સભ્ય દેશોના સહયોગથી સહિયારા દ્રષ્ટિકોણને મજબૂત સહકારમાં પરિવર્તિત કરવામાં સફળતા મળી છે. વર્તમાન સમયમાં વૈશ્વિક સ્તરે વધી રહેલા તણાવ અને તેના સામાન્ય માનવીના જીવન પર પડતા નકારાત્મક પ્રભાવ વિશે પણ પીએમ મોદીએ ઊંડી ચિંતા વ્યક્ત કરી હતી.
https://twitter.com/ANI/status/2099006476530635045