ગયા વર્ષે ડિસેમ્બરમાં ઈન્ડિગોએ એક મોટા સંકટનો સામનો કરવો પડ્યો હતો. હજારો ફ્લાઇટ્સ મોડી પડી હતી અને રદ કરવામાં આવી હતી, જેના કારણે મુસાફરોને મોટી પરેશાનીનો સામનો કરવો પડ્યો હતો. આ બાબતે DGCAનો તપાસ રિપોર્ટ હવે સામે આવ્યો છે. તેમાં કામગીરીનું વધુ પડતું ઑપ્ટિમાઈઝેશન, ક્રૂ અને એરક્રાફ્ટ માટે અપૂરતું બેકઅપ અને નવા FDTL નિયમોનું અપૂરતું અમલીકરણ જોવા મળ્યું હતું.
રિપોર્ટમાં ગંભીર ખામીઓની વિગતો આપવામાં આવી
કડક પગલાં લેતા DGCAએ CEOને ચેતવણી આપી છે, COO (એકાઉન્ટેબલ મેનેજર)ને ચેતવણી આપી છે અને SVP (OCC)ને ઓપરેશનલ જવાબદારીઓમાંથી દૂર કરવાનો નિર્દેશ આપ્યો છે. DGCAએ ફ્લાઈટમાં નોંધપાત્ર ભૂલોને લઈ ઈન્ડિગો પર રૂપિયા 22.2 કરોડનો દંડ પણ ફટકાર્યો છે. ડીજીસીએ તપાસ રિપોર્ટમાં સોફ્ટવેર અને મેનેજમેન્ટમાં ગંભીર ખામીઓની વિગતો આપવામાં આવી છે. તેમાં ક્રૂ પર વધુ પડતું દબાણ પણ બહાર આવ્યું છે, જેમાં તેમના ફરજના કલાકો મહત્તમ કરવાના પ્રયાસો કરવામાં આવ્યા હતા. ડેડ-હેડિંગ, ટેલ સ્વેપ અને લાંબી ડ્યુટી જેવી વાતો સામે આવી છે. વધુમાં, ક્રૂને ખૂબ જ ઓછો આરામ અને રિક્વરી સમય આપવામાં આવ્યો.
