Chhattisgarh Naxal Encounter : બીજાપુરમાં સુરક્ષા દળોને મળી મોટી સફળતા, 4 નક્સલી ઠાર

છત્તીસગઢમાં સુરક્ષા દળો દ્વારા શરૂ કરાયેલા 'ઓપરેશન મોનસૂન'ને મોટી સફળતા મળી છે. બીજાપુર જિલ્લામાં સુરક્ષા દળોના જવાનો અને નકસલવાદીઓ વચ્ચે થયેલી એક જોરદાર અથડામણમાં 4 નકસલવાદીઓ ઠાર મરાયા છે. આ ઘટના બાદ હાલમાં વિસ્તારમાં સઘન સર્ચ ઓપરેશન ચલાવવામાં આવી રહ્યું છે.

સુરક્ષા દળોના જવાનો સાથે અથડામણ

મળતી જાણકારી અનુસાર, બીજાપુર જિલ્લાના દક્ષિણ-પશ્ચિમી વિસ્તારમાં સુરક્ષા દળોના જવાનોને નકસલવાદીઓની સક્રિયતા અને તેમની હાજરી અંગે ગુપ્ત માહિતી મળી હતી. આ માહિતીના આધારે સુરક્ષા દળોની એક વિશેષ ટીમ તાત્કાલિક એન્ટી-નક્સલ ઓપરેશન માટે રવાના થઇ હતી. જવાનો જ્યારે નિર્ધારિત વિસ્તારમાં પહોંચ્યા ત્યારે અચાનક નકસલવાદીઓએ તેમના પર ગોળીબાર શરૂ કરી દીધો. નકસલવાદીઓની આ ગોલીબરીનો જવાનોએ પણ જડબાતોડ જવાબ આપ્યો હતો.

સુરક્ષા દળોની પરાક્રમી કાર્યવાહી

આ ભયાનક અથડામણમાં સુરક્ષા દળોના જવાનોએ બહાદુરીપૂર્વક સામનો કર્યો અને ચાર નકસલવાદીઓને ઘટનાસ્થળે જ ઠાર મારવામાં સફળતા મેળવી. જવાનોની આ કાર્યવાહીથી નકસલવાદીઓને મોટો ફટકો પડ્યો છે. અથડામણ સ્થળની સઘન સર્ચ કર્યા બાદ સુરક્ષા દળોએ ત્યાંથી મોટી માત્રામાં હથિયારો, વિસ્ફોટકો અને અન્ય નક્સલવાદી સામગ્રી પણ જપ્ત કરી છે. આ જપ્ત કરાયેલી સામગ્રી નક્સલવાદીઓની યોજનાઓ અને તેમની તાકાત અંગે વધુ માહિતી આપી શકે છે.