દિલ્હીના જંતર-મંતર ખાતે શનિવારે કોકરોચ જનતા પાર્ટી (CJP) દ્વારા વિશાળ વિરોધ પ્રદર્શન યોજાયું હતું. આ પ્રદર્શનનું નેતૃત્વ પાર્ટીના સ્થાપક અભિજિત દીપકે કર્યું હતું. અમેરિકા પ્રવાસથી પરત ફર્યા બાદ તેઓ સીધા જ આ આંદોલનમાં જોડાયા હતા. ભારે પોલીસ બંદોબસ્ત વચ્ચે હજારો વિદ્યાર્થીઓ, યુવાનો, વાલીઓ અને વિવિધ સ્પર્ધાત્મક પરીક્ષાઓની તૈયારી કરતા ઉમેદવારો પ્રદર્શનમાં જોડાયા.
આ છે યુવાઓની માગણીઓ
પ્રદર્શનનો મુખ્ય મુદ્દો દેશની શિક્ષણ વ્યવસ્થા, પરીક્ષાઓમાં થતી ગેરરીતિઓ અને વિદ્યાર્થીઓ પર વધી રહેલા માનસિક દબાણને લઈને હતો. પ્રદર્શનકારીઓએ કેન્દ્રીય શિક્ષણમંત્રી ધર્મેન્દ્ર પ્રધાનના રાજીનામાની માગ સાથે સરકાર વિરુદ્ધ સૂત્રોચ્ચાર કર્યા હતા. CJPની મુખ્ય માગણીઓમાં શિક્ષણમંત્રીનું રાજીનામું, પારદર્શક અને નિષ્પક્ષ પરીક્ષા વ્યવસ્થા, ડિજિટલ શિક્ષણમાં સુધારા, મણિપુરમાં સામાન્ય શિક્ષણ વ્યવસ્થાની પુનઃસ્થાપના અને વિદ્યાર્થીઓના માનસિક સ્વાસ્થ્ય માટે વિશેષ પગલાંનો સમાવેશ થાય છે. પ્રદર્શનકારીઓએ આરોપ લગાવ્યો કે નીટ પેપર લીક, CBSEની ઓનલાઈન માર્કિંગ પદ્ધતિમાં ખામીઓ અને ભરતી પરીક્ષાઓમાં સતત ઊભી થતી સમસ્યાઓએ વિદ્યાર્થીઓનો વિશ્વાસ હચમચાવી દીધો છે.
