ભારતીય ક્રિકેટર રિંકુ સિંહને ધમકી આપનાર આરોપી નૌશાદની ધરપકડ કરી પૂછપરછ કરવામાં આવી છે.
આરોપી મોહમ્મદ દિલશાદ નૌશાદની ધરપકડ
મુંબઈ પોલીસની તપાસમાં બહાર આવ્યું છે કે રિંકુ સિંહ સામે પણ ખંડણી માંગવામાં આવી હતી. સ્વર્ગસ્થ NCP નેતા બાબા સિદ્દીકીના પુત્ર ઝીશાન સિદ્દીકીને ધમકી આપવા બદલ ધરપકડ કરાયેલા આરોપી મોહમ્મદ દિલશાદ નૌશાદની ધરપકડ કરવામાં આવી હતી. આ માહિતી તેની પૂછપરછ દરમિયાન બહાર આવી હતી. દિલશાદે રિંકુ સિંહના ઇવેન્ટ મેનેજરને ધમકીભર્યો ઇ-મેઇલ પણ મોકલ્યો હતો. બંને કિસ્સાઓમાં, ડી-કંપનીનો સભ્ય હોવાનો દાવો કરતા આરોપીએ ખંડણી ન ચૂકવવા પર પીડિતોને મારી નાખવાની ધમકી આપી હતી.
ક્રિકેટર રિંકુ સિંહની કારકિર્દી
આ કેસમાં પહેલી મોટી કાર્યવાહીમાં, મુંબઈ પોલીસે બિહારના દરભંગાના રહેવાસી 33 વર્ષીય મોહમ્મદ દિલશાદ નૌશાદને ત્રિનિદાદ અને ટોબેગોથી પ્રત્યાર્પણ કર્યો હતો. રિંકુ સિંહને ધમકી મળ્યા બાદ તેમની સુરક્ષા વ્યવસ્થા સઘન કરવામાં આવી છે. રિંકુ સિંહ ભારત માટે 34 ટી-20 આંતરરાષ્ટ્રીય મેચ રમી ચુક્યા છે. અને તેઓએ 550 રન ફટકાર્યાં છે. રિંકુના સ્ટ્રાઇક રેટ 161.77નો છે. તેમના આઇપીએલ મેચ વિશે વાત કરવામાં આવે તો, રિંકુએ કેકેઆર માટે 59 મેચ રમ્યા છે. અને તેમાં 1099 રન ફટકાર્યા છે. રિંકુએ તાજેતરમાં જ પાકિસ્તાન વિરુદ્ધ એશિયા કપ 2025ના ફાઇનલ મેચમાં વિજયી ચૌકા ફટાકર્યો હતો. રિંકુ સિંહે તાજેતરમાં જ સાંસદ પ્રિયા સરોજ સાથે સગાઈ કરી હતી. તેની વધતી જતી લોકપ્રિયતાએ તેની સુરક્ષા અંગે પણ ચિંતાઓ ઉભી કરી છે.
રિંકુ સિંહના આવકના સ્ત્રોત
વર્ષ 2025માં રિંકુ સિંહની કુલ સંપત્તિ ₹20 કરોડથી વધુ હોવાનો અંદાજ છે. ભારતીય ક્રિકેટર પાસે આવકના ઘણા સ્ત્રોત છે. પરંતુ તે ચાર સ્ત્રોતોમાંથી સૌથી વધુ કમાણી કરે છે. રિંકુ સિંહની આવકનો મુખ્ય સ્ત્રોત BCCI કરાર છે. વાર્ષિક ₹1 કરોડ કમાય છે. તે ભારતીય ક્રિકેટ કંટ્રોલ બોર્ડ સાથે ગ્રેડ C કરાર ધરાવે છે. તેની આવકનો બીજો સ્ત્રોત KKR સાથે IPL કરાર છે. જ્યાં તેની પાસે ₹13 કરોડનો કરાર છે. રિંકુ સિંહની આવકનો ત્રીજો સ્ત્રોત બ્રાન્ડ એન્ડોર્સમેન્ટ છે. તે ઘણી ક્રિકેટ અને જીવનશૈલી બ્રાન્ડ્સના એમ્બેસેડર છે. જે નોંધપાત્ર વાર્ષિક આવક ઉત્પન્ન કરે છે. આ ઉપરાંત, તે રિયલ એસ્ટેટમાં રોકાણ કરીને પણ પૈસા કમાવે છે. જે તેની આવકનો ચોથો સ્ત્રોત છે.
