દિલ્હી પોલીસની સ્પેશિયલ સેલની કાઉન્ટર-ઈન્ટેલિજન્સ યુનિટે એક મોટી કાર્યવાહી કરતા કુખ્યાત હિમાંશુ ભાઉ ગેંગના બે શૂટર્સની મહારાષ્ટ્રથી ધરપકડ કરી છે. પકડવામાં આવેલા શૂટર્સની ઓળખ લક્ષ્ય અને નીરજ તરીકે થઈ છે. બંને પર 1-1 લાખ રૂપિયાનું ઈનામ જાહેર કરવામાં આવ્યું હતું.
વિદેશથી પોતાનું નેટવર્ક ઓપરેટ કરતો
દિલ્હીમાં ખંડણી વસૂલવા માટે ફાયરિંગની ઘણી ઘટનાઓમાં આ બંને શૂટર્સનું નામ સામે આવ્યું હતું. તેમની વિરૂદ્ધ દિલ્હીમાં ખંડણી માટે ફાયરિંગ કરવાની FIR દાખલ થયેલી છે. પોલીસ તપાસમાં સામે આવ્યું છે કે આ ગોળીબારી વિદેશથી પોતાનું નેટવર્ક ઓપરેટ કરનારા ગેંગસ્ટર હિમાશું ભાઉના ઈશારા પર કરવામાં આવી હતી. એટલું જ નહીં આ બંને હરિયાણામાં થયેલા એક મોટા હત્યાકાંડમાં પણ સામેલ હોવાનું જાણવા મળી રહ્યું છે. દિલ્હી પોલીસ લાંબા સમયથી આ બંનેની તપાસમાં હતી અને હવે મહારાષ્ટ્રથી તેમને દબોચી લેવામાં સફળતા મળી છે.
