દેશમાં દિવસેને દિવસે સાયબર ક્રાઈમના કેસ સતત વધી રહ્યા છે. ત્યારે મુંબઈમાં પણ વધુ એક ડિજિટલ અરેસ્ટનો કેસ સામે આવ્યો છે. મુંબઈના એક બિઝનેસમેનને સાયબર ઠગાોએ ડરાવીને ડિજિટલ અરેસ્ટ કર્યો છે. લગભગ અઢી મહિના સુધી ચાલેલી આ સાયબર છેતરપિંડીના કેસમાં બિઝનેસમેનની સાથે તેમની પત્નીને પણ શિકાર બનાવવામાં આવી છે. આ જાણકારી પોલીસે આપી છે.
આ કેસની તપાસમાં 3 લોકોની ધરપકડ
પોલીસે જણાવ્યું કે પહેલા ભોગ બનનારની પાસે અજાણ્યા નંબરથી ફોન આવ્યો અને ફોન કરીને જણાવ્યું કે તે ઈડીની ઓફિસથી વાત કરી રહ્યો છે. ત્યારબાદ બીજો કોલ આવ્યો, જેમાં કહ્યું કે તે CBI અધિકારી બોલી રહ્યો છે. પોલીસે જણાવ્યું કે તેમને આ કેસની તપાસમાં 3 લોકોની ધરપકડ કરી છે. પોલીસે જણાવ્યું કે સાયબર છેતરપિંડીના કેસમાં તેમને જણાવ્યું કે તેમના નામનો ઉપયોગ મની લોન્ડ્રીંગમાં થયો છે. સાયબર ઠગાઈનો આ કેસ 19 ઓગસ્ટથી 8 ઓક્ટોબરની વચ્ચે ચાલ્યો. ભોગ બનનારને વીડિયો કોલ કર્યો અને ત્યારબાદ તેમની પત્ની અને તેમને ડિજિટલ અરેસ્ટ કરી લેવામાં આવ્યા છે.
