Raja Raghuvanshi Murder Case: સિલોમ જેમ્સના સાસરેથી મળેલા પુરાવાથી પ્રકરણમાં નવો વળાંક

રાજા રઘુવંશી હત્યાકાંડમાં આવી રહેલા નવા નવા વળાંકો કોઇ ફિલ્મી કહાનીને પણ માત આપી શકે છે. નવા પુરાવા, આરોપીઓના કબૂલનામા, પરિવારજનોની પ્રતિક્રિયાઓ વગેરે જેવી બાબતો આ કેસને નવી દિશામાં લઇ જઇ રહ્યુ છે. રતલામમાં શિલોંગ એસઆઇટીને મોટી સફળતા હાથ લાગી છે. આરોપી સિલોમ જેમ્સના સાસરેથી રસોડામાં છુપાવવામાં આવેલું કાળું બેગ મળી જપ્ત કરવામાં આવ્યુ છે. આ બ્લેક બેગની ચર્ચા કેસની શરૂઆતથી જ કરવામાં આવતી હતી. આ બેગમાંથી એક લેપટોપ પણ મળી આવ્યુ છે.

રાજા રઘુવંશી હત્યાકાંડમાં મોટો ખુલાસો

શિલોંગ SIT ટીમે રતલામના મંગલમૂર્તિ કોલોનીમાં દરોડા પાડ્યા છે. આ ટીમ આરોપીના સાસરે પહોંચી હતી. જ્યાં તપાસ કર્યા બાદ રસોડામાંથી કાળુ બેગ અને તેમા છુપાવવામાં આવેલું લેપટોપ મળી આવ્યુ છે. આ પુરાવાઓ કેસ હલ કરવા અને આરોપીઓને સજા આપવા માટે મહત્ત્વના સાબિત થઇ શકે છે. આ લેપટોપમાં ઇમેલ અને મેસેજ હોઇ શકે છે. જે આરોપીઓની ભૂમિકા અને ષડયંત્રને સામે લાવશે.

આરોપી સિલોમ વિરુદ્ધ એક્ત્ર કર્યા પુરાવા

શિલોંગ એસઆઇટી સિલોમને રતલામથી લઇને ઇન્દોર રવાના થઇ હતી. આ બેગ અને લેપટોપને ફોરેન્સિક ટીમ પાસે મોકલવામાં આવશે. આ ઉપરાંત શિલોંગ એસઆઇટીએ સિલોમ વિરુદ્ધ મહત્ત્વની માહીતી પણ એકત્ર કરી છે. રાજા રઘુવંશી હત્યાકાંડ મામલે મધ્યપ્રદેશથી લઇને મેઘાલય સુધી તપાસ તેજ કરવામાં આવી છે. અને રાજનેતાઓથી લઇને પોલીસ અધિકારીઓ આ મામલે પ્રતિક્રિયાઓ આપી રહ્યા છે. મૃતક રાજાની પત્ની સોનમે હનીમૂન દરમિયાન તેના મિત્રો અને પ્રેમી સાથે મળીને તેના પતિ રાજાની હત્યા કરી હતી.