રાજસ્થાન પોલીસે સ્ત્રીનો વેષ ધારણ કરીને ફરી રહેલા એક શખ્સને બાતમીના આધારે ઝડપી પાડ્યો છે. આ શખ્સ બીજું કોઇ નહી પણ કુખ્યાત ગેંગસ્ટર રોહિત ગોદારાની ગેંગનો ખાસ ગેંગસ્ટર છે.
શંકાના આધારે પોલીસ અધિકારીઓએ તેને રોક્યો.
રાજસ્થાનના બેહરોરની શેરીઓ સામાન્ય હતી, પરંતુ પોલીસે એક શંકાસ્પદ વ્યક્તિને જોયો. તેણે લહેંગો અને રાજસ્થાની મહિલા પહેરે તેવો પોષાક પહેરેલો હતો. આ વ્યક્તિ ઝડપથી ચાલી રહ્યો હતો. પહેલી નજરે બધું સામાન્ય લાગતું હતું, પરંતુ પોલીસને તેની ચાલવાની ઢબ જોઇને શંકા ગઇ એવું લાગ્યું કે તેની ચાલમાં એક વિચિત્ર જડતા હતી. જાણે કોઈ પુરુષ સ્ત્રીનો વેશ ધારણ કરી જઇ રહ્યો હોય. શંકાના આધારે પોલીસ અધિકારીઓએ તેને રોક્યો.
લહેંગો ઉતારતાની સાથે જ તેમને એક દેશી બનાવટની પિસ્તોલ, 12 જીવંત કારતૂસ અને એક મેગેઝિન મળ્યું
અહેવાલો અનુસાર, જ્યારે મહિલા બોલવા લાગી, ત્યારે શંકા ચોક્કસતામાં ફેરવાઈ ગઈ - તેના અવાજમાં કર્કશતા, ખચકાટ અને ડર... પોલીસે તરત જ તપાસ હાથ ધરી, અને લહેંગો ઉતારતાની સાથે જ તેમને એક દેશી બનાવટની પિસ્તોલ, 12 જીવંત કારતૂસ અને એક મેગેઝિન મળી આવ્યું. તે મહિલા નહીં, પરંતુ રોહિત ગોદારા ગેંગનો કુખ્યાત ગુનેગાર અભિષેક, ઉર્ફે 'બતાર' હતો.
અભિષેક એક મોટા ગુનાની યોજના બનાવી રહ્યો હતો
બેહરોર પોલીસનું કહેવું છે કે અભિષેક એક મોટા ગુનાની યોજના બનાવી રહ્યો હતો. પોતાને બચાવવા માટે, તેણે મહિલાઓના કપડાં પહેરીને પોતાનો વેશ ધારણ કર્યો હતો. બુરખા પાછળ પોતાનો ચહેરો છુપાવીને, તે ભીડમાં ભળી જવાનો પ્રયાસ કરી રહ્યો હતો, પરંતુ તેના વર્તનથી તેના ઇરાદા નિષ્ફળ ગયા.
આરોપી ઉપર 25 હજારનું ઇનામ હતું
પોલીસે જણાવ્યું હતું કે આરોપી અભિષેક ઉર્ફે બતર, પાનિયાલા પોલીસ સ્ટેશનના મોલાહેરાનો રહેવાસી છે. તેના પર 25,000 રૂપિયાનું ઈનામ હતું. જયપુર, કોટપુતલી, હરિયાણા, દિલ્હી અને ઉત્તર પ્રદેશ સહિત અનેક રાજ્યોની પોલીસ તેને શોધી રહી હતી.
અભિષેક સામે લૂંટ, ધાકધમકી, ગેરકાયદેસર હથિયાર રાખવા અને હુમલો સહિતના ઓછામાં ઓછા આઠ કેસ
પોલીસ તપાસમાં જાણવા મળ્યું છે કે અભિષેક સામે લૂંટ, ધાકધમકી, ગેરકાયદેસર હથિયાર રાખવા અને હુમલો સહિતના ઓછામાં ઓછા આઠ કેસ નોંધાયેલા છે. પોલીસનું કહેવું છે કે અભિષેક રોહિત ગોદારા ગેંગનો સક્રિય સભ્ય છે, જે તે જ ગેંગ લોરેન્સ બિશ્નોઈ ગેંગ સાથે જોડાયેલી હોવાનું માનવામાં આવે છે.
પોલીસની યાદીમાં પણ તેનું નામ હતું
રાજસ્થાનની એન્ટી-ગેંગસ્ટર ટાસ્ક ફોર્સ (AGTF) એ તાજેતરમાં બંને ગેંગ સાથે સંકળાયેલા ગુનેગારોની યાદી બહાર પાડી હતી અને તેમાં અભિષેકનું નામ પણ સામેલ હતું.
મહિલાના વેશમાં એક શંકાસ્પદ પુરુષ જોવા મળ્યો
બેહરોર પોલીસને માહિતી મળી હતી કે ગેંગનો એક સભ્ય ગુનો કરવાની તૈયારી કરી રહ્યો છે. માહિતીના આધારે, પોલીસ ટીમે વિસ્તારમાં નાકાબંધી ગોઠવી હતી. મહિલાના વેશમાં એક શંકાસ્પદ પુરુષ જોવા મળ્યો હતો. તેની પુરુષ ચાલ શંકાસ્પદ લાગી હતી. શોધખોળ દરમિયાન જે ખુલાસો થયો તેનાથી બધા ચોંકી ગયા.
તેણે ગુનો કરવા માટે પોતાનો વેશપલટો કર્યો હતો
એસપીએ જણાવ્યું હતું કે આરોપીની ઘટનાસ્થળે જ ધરપકડ કરવામાં આવી હતી. પૂછપરછ દરમિયાન, તેણે કબૂલાત કરી હતી કે તેણે ગુનો કરવા માટે પોતાનો વેશપલટો કર્યો હતો. તેની ધરપકડ બાદ, પોલીસે આરોપીને મહિલાના વેશમાં શહેરમાં પરેડ કરાવી હતી. અભિષેક હવે પૂછપરછ માટે પોલીસ રિમાન્ડ પર છે. અધિકારીઓનું કહેવું છે કે તેની ગેંગના અન્ય સભ્યોના ઠેકાણા અને યોજનાઓ વિશે પૂછપરછ કરવામાં આવી રહી છે.
તે ગેંગ માટે હથિયારો સપ્લાય કરતો
પોલીસને શંકા છે કે અભિષેક તાજેતરની કેટલીક ગુનાહિત ઘટનાઓમાં સંડોવાયેલો હોઈ શકે છે. તેના મોબાઇલ લોકેશન અને નેટવર્કની તપાસ કરવામાં આવી રહી છે. એસપીએ જણાવ્યું હતું કે અભિષેક, જેને બટાર તરીકે પણ ઓળખવામાં આવે છે, તે લાંબા સમયથી ફરાર હતો. તે ગેંગ માટે હથિયારો સપ્લાય કરતો હતો અને જાસૂસી કરતો હતો. અમે તેના કબજામાંથી એક પિસ્તોલ, 12 જીવતા કારતૂસ અને એક મેગેઝિન જપ્ત કર્યા છે. વધુ તપાસમાં વધુ ખુલાસો થઈ શકે છે.
