ઉત્તર પ્રદેશના વારાણસીમાં શંકરાચાર્ય સ્વામી અવિમુક્તેશ્વરાનંદના વિદ્યા મઠ આશ્રમમાં આવેલા હનુમાન મંદિરમાં ચોરીની ઘટના સામે આવી છે. આ કેસમાં પોલીસે મુખ્ય આરોપી રાજુ ખાન સહિત ત્રણ લોકોની ધરપકડ કરી છે.
CCTVમાં એક યુવક આભૂષણ લઈને બહાર નીકળતો દેખાયો
આ ઘટના 24 એપ્રિલની છે, જ્યારે વિદ્યા મઠ આશ્રમના શંકરાચાર્ય ઘાટ સ્થિત હનુમાન મંદિરમાંથી કિંમતી આભૂષણોની ચોરી થઈ હતી. મંદિર પ્રશાસને તરત જ પોલીસમાં ફરિયાદ નોંધાવી હતી, જેના બાદ તપાસ શરૂ કરવામાં આવી હતી. પોલીસે તપાસ દરમિયાન મંદિર આસપાસના CCTV ફૂટેજ ચકાસ્યા હતા. તેમાં એક યુવક મંદિર પરિસરમાં ફરતો અને બાદમાં આભૂષણ લઈને બહાર નીકળતો દેખાયો હતો. ફૂટેજના આધારે પોલીસે આરોપીની ઓળખ કરીને લંકા વિસ્તારના નરિયા-સાકેત નગરમાંથી રાજુ ખાનની ધરપકડ કરી હતી.
