Weather Update: જુલાઈમાં ચોમાસાએ દિલ્હી-એનસીઆરને નિરાશ કર્યા હોવા છતાં ઓગસ્ટ મહિનામાં ભારે વરસાદના સંકેતો છે. ભારતીય હવામાન વિભાગ (IMD) અનુસાર, ઓગસ્ટમાં દિલ્હી, ઉત્તર પ્રદેશ, પંજાબ, હરિયાણા અને ઉત્તરાખંડમાં સારા ચોમાસાના વરસાદની આગાહી છે. બંગાળની ખાડીમાં ઓછા દબાણવાળા વિસ્તાર (ઊંડા ડિપ્રેશન) અને સક્રિય ચોમાસાના પ્રવાહને કારણે મહિનાની શરૂઆતથી વરસાદની ગતિવિધિઓ વધુ તીવ્ર બનવાની ધારણા છે.
દિલ્હીમાં કેવું રહેશે આજે વાતાવારણ
ઓગસ્ટના પહેલા અઠવાડિયા દરમિયાન દિલ્હીમાં સારા વરસાદની અપેક્ષા છે. દિલ્હી-એનસીઆરમાં 1 થી 5 ઓગસ્ટ દરમિયાન નોંધપાત્ર વરસાદ પડી શકે છે, સાથે મધ્યમથી ભારે વરસાદ અને તેજ પવન પણ ફૂંકાશે. આનાથી ભેજમાં રાહત મળશે અને તાપમાનમાં ઘટાડો થશે. જુલાઈના અંતિમ દિવસોમાં દિલ્હીમાં સારો વરસાદ પડ્યો હતો.
https://x.com/Indiametdept/status/2082559820834763165
ઉત્તર પ્રદેશમાં વરસાદમાં વધારો
હવામાન વિભાગે ઓગસ્ટ દરમિયાન પશ્ચિમ અને પૂર્વીય ઉત્તર પ્રદેશ બંને માટે હળવાથી ભારે વરસાદની આગાહી કરી છે. ગોરખપુર (પૂર્વાંચલ), લખીમપુર ખીરી અને પીલીભીત (તેરાઈ પ્રદેશ), અને નોઈડા અને ગાઝિયાબાદ (પશ્ચિમ યુપી) જેવા જિલ્લાઓ માટે ખાસ કરીને ભારે વરસાદની ચેતવણી જારી કરવામાં આવી છે.
પંજાબ અને હરિયાણામાં હવામાન
પંજાબ અને હરિયાણામાં ઓગસ્ટથી શરૂ થતા ઘણા જિલ્લાઓમાં વાવાઝોડા સાથે ભારે વરસાદ થવાની સંભાવના છે. આ વરસાદ ડાંગરના પાક માટે ખૂબ ફાયદાકારક સાબિત થશે. જોકે, નીચાણવાળા અને શહેરી વિસ્તારોમાં પાણી ભરાઈ શકે છે.
ઉત્તરાખંડમાં ભારે વરસાદ
1થી 5 ઓગસ્ટ દરમિયાન ખૂબ જ ભારે વરસાદની ચેતવણી જારી કરવામાં આવી છે. પહાડી વિસ્તારોમાં ભૂસ્ખલન અને અચાનક પૂર અંગે ચેતવણીઓ અમલમાં છે. આ પરિસ્થિતિઓને કારણે ચાર ધામ યાત્રા પણ સ્થગિત કરવામાં આવી છે.
હવામાન વિભાગ અનુસાર ચોમાસાના કારણે છત્તીસગઢ અને ઓડિશા નજીકના આંતરિક પ્રદેશો પર ઓછા દબાણનો વિસ્તાર રચાયો છે. આ સિસ્ટમ આગામી 24 કલાકમાં મધ્યપ્રદેશ અને છત્તીસગઢમાં પશ્ચિમ તરફ આગળ વધવાની શક્યતા છે. વધુમાં, પશ્ચિમી વિક્ષોભને કારણે ઉત્તર પાકિસ્તાન અને જમ્મુ વિભાગની નજીક ચક્રવાતી પરિભ્રમણનો પ્રભાવ રહેલો છે. આસામની આસપાસ પણ વરસાદ યથાવત છે.
આ પણ વાંચો: Weather Update: દિલ્હી-NCRમાં યલો એલર્ટ, યુપી-રાજસ્થાનમાં ભારે વરસાદને લઈ હવામાન વિભાગની આગાહી
