મહારાષ્ટ્રના મુખ્યમંત્રી દેવેન્દ્ર ફડણવીસે રવિવારે સાંજે બોલિવૂડ અભિનેતા ટાઈગર શ્રોફ સાથે જોડાયેલી ગોળીબારની ઘટના અંગે નાગપુરમાં એક પત્રકાર પરિષદને સંબોધી હતી. આ દરમિયાન તેમણે ભારપૂર્વક જણાવ્યું હતું કે ગુનેગારોને કડકમાં કડક સજા આપવામાં આવશે. મુખ્યમંત્રીએ કહ્યું, "હુમલાખોરો બચી શકશે નહીં. કોઈ પણ ગેંગને છોડવામાં આવશે નહીં. અમે ટાઈગર શ્રોફને ખાતરી આપી છે કે આ ગુના માટે જવાબદાર લોકોને શોધી કાઢવામાં આવશે. 

આરોપીઓની ખૂબ જ જલ્દી ધરપકડ કરવામાં આવશે." તેમણે ઉમેર્યું કે પછી ભલે તે કોઈ પણ ગેંગ હોય કે વ્યક્તિ, કોઈની પણ સાથે નરમાઈ દાખવવામાં આવશે નહીં. જો કોઈ આવી ધમકીઓ આપીને કામ કરવાનો પ્રયાસ કરે છે, તો મુંબઈ પોલીસ સારી રીતે જાણે છે કે તેમની સાથે કેવી રીતે કામ પાર પાડવું.

https://x.com/Dev_Fadnavis/status/2112036436094673083?ref_src=twsrc%5Etfw%7Ctwcamp%5Etweetembed%7Ctwterm%5E2112036436094673083%7Ctwgr%5E%7Ctwcon%5Es1_c10&ref_url=

જ્યારે મીડિયા બ્રીફિંગ દરમિયાન પૂછવામાં આવ્યું કે શું મહારાષ્ટ્ર સરકાર લોરેન્સ બિશ્નોઈને કસ્ટડીમાં લેવાનો પ્રયાસ કરશે, ત્યારે મુખ્યમંત્રી ફડણવીસે જવાબ આપ્યો, "અમે પહેલેથી જ સૂચનાઓ આપી દીધી છે અને કાર્યવાહી ચાલી રહી છે. તેથી જ મેં કહ્યું કે મુખ્ય સૂત્રધાર ગમે ત્યાં છુપાયેલા હોય, કાયદાકીય પ્રક્રિયાનું કડકાઈથી પાલન કરવામાં આવશે. મુંબઈ પોલીસે ભૂતકાળમાં સાબિત કર્યું છે કે આવા ગુનેગારો દુનિયામાં ગમે ત્યાં છુપાયેલા હોય, મુંબઈ પોલીસ તેમને શોધી કાઢશે જ."


"અમે આખી ગેંગનો સંપૂર્ણ સફાયો કરી દઈશું..."

મુખ્યમંત્રીએ કહ્યું, "આ ઘટના અત્યંત નિંદનીય છે. પોલીસે તાત્કાલિક કાર્યવાહી શરૂ કરી દીધી છે. રાતોરાત આરોપીઓની ઓળખ કરી લેવામાં આવી હતી અને પોલીસને મહત્વપૂર્ણ પુરાવા મળ્યા છે. તેઓ ગુનેગારોને શોધી કાઢશે અને આ ઘટના પાછળ કોનો હાથ છે તે પણ બહાર લાવશે. અગાઉના કેસોમાં પણ, પકડાયેલા શંકાસ્પદ વ્યક્તિઓ પાછળ રહેલા મુખ્ય સૂત્રધારોને સફળતાપૂર્વક શોધી કાઢવામાં આવ્યા હતા."


તેમણે વધુમાં ઉમેર્યું કે પોલીસ માટે આ કોઈ મોટો પડકાર નથી. "આ લોકો કાયર છે—ભાડૂતી માણસો છે જે મહારાષ્ટ્રની બહાર અને દેશની બહારથી પણ કામ કરે છે. તેમની આખી ગેંગનો સંપૂર્ણ સફાયો કરી દેવામાં આવશે." ફડણવીસે વધુમાં કહ્યું કે આવી કોઈ પણ ગેંગથી ડરવાની જરૂર નથી. તેઓ કાયર છે જેઓ માત્ર સોશિયલ મીડિયા કે ફોન દ્વારા ધમકીઓ આપે છે. મુંબઈ પોલીસ અત્યંત વ્યાવસાયિક (પ્રોફેશનલ) છે. દેવેન્દ્ર ફડણવીસે કહ્યું, "મેં ટાઈગર શ્રોફને ખાતરી આપી છે કે તેમણે ચિંતા કરવાની જરૂર નથી. અમે જવાબદાર લોકો સુધી પહોંચીશું અને સંપૂર્ણ સુરક્ષા સુનિશ્ચિત કરીશું. અમે તેમને આ વાત જણાવી છે."


આ પણ વાંચો: Mehsana: મહેસાણા RTO માં મોટો ફેરબદલ; એકસાથે 8 અધિકારીઓની બદલી અને નવી નિમણૂક