આજે દેશની રાજધાની દિલ્હીના ઐતિહાસિક રામલીલા મેદાન ખાતે ‘ઇન્ડિયા’ ગઠબંધન દ્વારા એક વિશાળ મહારેલીનું આયોજન કરવામાં આવ્યું છે. મુખ્ય ચૂંટણી કમિશનર (CEC) જ્ઞાનેશ કુમારને પદ પરથી હટાવવા અને રાજીનામું અપાવવાના મુખ્ય હેતુ સાથે વિપક્ષી છાવણીના તમામ મુખ્ય રાજકીય પક્ષો એકમંચ પર એકઠા થઈ રહ્યા છે. રામલીલા મેદાન ખાતે અલગ અલગ જગ્યાએથી કાર્યકરો પહોંચી રહ્યા છે. રાહુલ ગાંધી ખુલ્લી જીપમાં બેસીને મિંટો રોડ પહોંચી રહ્યા છે. મિંટો રોડ પરથી ચોલ દિલ્હી માર્ચ શરૂ કરવામાં આવી છે. રાહુલ ગાંધી સાથે અખિલેશ અને પ્રિયંકા ગાંધી પણ સાથે છે.
રામલીલા મંચ પરથી બોલ્યા રાહુલ ગાંધી, જ્ઞાનેશ કુમાર CEC પદ પરથી હટશે
રામલીલા મેદાનનું મંચ, વિપક્ષનો હલ્લાબોલ
https://x.com/ANI/status/2116830525323157754?ref_src=twsrc%5Etfw%7Ctwcamp%5Etweetembed%7Ctwterm%5E2116830525323157754%7Ctwgr%5E%7Ctwcon%5Es1_c10&ref_url=વિપક્ષોનો કાફલો રામલીલા મેદાન ખાતે પહોંચ્યો
https://x.com/ANI/status/2116828708900389256?ref_src=twsrc%5Etfw%7Ctwcamp%5Etweetembed%7Ctwterm%5E2116828708900389256%7Ctwgr%5E%7Ctwcon%5Es1_c10&ref_url=
https://x.com/ANI/status/2116828511910658186?ref_src=twsrc%5Etfw%7Ctwcamp%5Etweetembed%7Ctwterm%5E2116828511910658186%7Ctwgr%5E%7Ctwcon%5Es1_c10&ref_url=
અમે આ સરકારને ઉથલાવી દઇશુંઃ કોંગ્રેસ નેતા શૈલજા
'INDIA' ગઠબંધનની મહા રેલીમાં સામેલ થયેલા કોંગ્રેસ નેતા કુમારી શૈલજાએ કહ્યું, "આજે રામલીલા મેદાનમાં લાખો લોકોનું વિશાળ જનમેદની ઉમટી પડી છે. રાહુલ ગાંધીના નેતૃત્વ હેઠળ, સમગ્ર 'INDIA' ગઠબંધનતેના તમામ નેતાઓ અને લાખો સમર્થકોએ આજે એક દ્રઢ સંકલ્પ લીધો છે: ભાજપ અને મુખ્ય ચૂંટણી કમિશનરે દેશમાં જેવી પરિસ્થિતિ સર્જી છે, તેને અમે ચાલુ રહેવા દઈશું નહીં. અમે આ સરકારને ઉથલાવી દઈશું; જનતાએ પોતાનો નિર્ણય લઈ લીધો છે."
INDIA ગઠબંધનના નેતાઓ રામલીલા મેદાન તરફ આગળ વધી રહ્યા છે.
રાહુલ ગાંધી, પ્રિયંકા ગાંધી વાડ્રા, ફારૂક અબ્દુલ્લા, તેજસ્વી યાદવ, અખિલેશ યાદવ, સુપ્રિયા સુલે, અભિષેક બેનર્જી, કેસી વેણુગોપાલ અને અન્ય ભારત જોડાણના નેતાઓ મેગા રેલી માટે રામલીલા મેદાન તરફ આગળ વધી રહ્યા છે.
રામલીલા મેદાન ખાતે ભીડ એકઠી, વિપક્ષનું વિરોધ પ્રદર્શન
સરકારને અસ્થિર કરવાનું ષડયંત્રઃ જેપી નડ્ડા
દિલ્હીમાં વિપક્ષ દ્વારા મેદાન ખાતે ‘ઇન્ડિયા’ ગઠબંધન દ્વારા એક વિશાળ મહારેલીનું આયોજન કરવામાં આવ્યું છે. તે મુદ્દાને લઇને જેપી નડ્ડાએ વિપક્ષને આડે હાથ લીધા હતા. તેમણે રાહુલ ગાંધીને ટાંકીને કહ્યુ કે તેઓ સરકારને અસ્થિર કરવાનું ષડયંત્ર રચી રહ્યા છે. મહાપાપ વાળા દિવસે જ વિપક્ષની રેલી કેમ યોજી? રેલીથી વેપારીઓનો કરોડોનું નુકસાન થશે. રાહુલ ગાંધીને વેપારીઓથી કોઇ મતલબ નથી. રાહુલનો ઉદ્દેશ્ય દેશમાં અરાજકતા ફેલાવવાનું છે. જેપી નડ્ડાએ રાહુલ પર આકરા પ્રહારો કરતા વધુમાં કહ્યુ કે, વિપક્ષ હવે બેનકાબ થઇ ગયુ છે.કોંગ્રેસનો ખૂની ઇતિહાસ આજે પણ જીવંત છે. રાહુલ ગાંધીએ લોકતંત્રનું અપમાન કર્યુ.
https://x.com/ANI/status/2116784850623741974?ref_src=twsrc%5Etfw%7Ctwcamp%5Etweetembed%7Ctwterm%5E2116784850623741974%7Ctwgr%5E%7Ctwcon%5Es1_c10&ref_url=
અખિલેશ યાદવનો સરકાર પર પ્રહાર
‘ઇન્ડિયા’ બ્લોકની રેલી પહેલા કોંગ્રેસ અધ્યક્ષ મલ્લિકાર્જુન ખડગેના નિવાસસ્થાને વિપક્ષી નેતાઓનું આગમન શરૂ થયું હતું. તૃણમૂલ કોંગ્રેસના સાંસદો સાથે પહોંચેલા સમાજવાદી પાર્ટીના અધ્યક્ષ અખિલેશ યાદવે સરકાર પર આકરા પ્રહારો કરતા કહ્યું કે અન્યાયની તમામ હદો પાર થઈ ગઈ છે. તેમણે ઉમેર્યું કે ૧૨.૭ મિલિયન મતો ગુમાવવાની વાત ઉત્તર પ્રદેશના મુખ્યમંત્રીને MLC ચૂંટણી હાર્યા પછી જ યાદ આવી છે. આ સાથે તેમણે કટાક્ષ કર્યો કે 'ડબલ-એન્જિન સરકાર'નો દાવો કરનારાઓ હવે સંપૂર્ણપણે 'ડબલ ઝીરો' સાબિત થયા છે.
કનોટ પ્લેસથી વિપક્ષી કૂચ શરૂ થશે, રાહુલ ગાંધીએ જાહેરાત કરી
લોકસભાના વિપક્ષી નેતા રાહુલ ગાંધીએ રામલીલા મેદાન ખાતે આગામી રેલી અને તે પહેલાની કૂચ વિશે માહિતી આપી. રાહુલ ગાંધીએ કહ્યું, "દિલ્હી, તૈયાર થઈ જાઓ. તમારો મત બચાવો, તમારા દેશને બચાવો. કનોટ પ્લેસ આવો, સાથે જઈએ. નહીંતર આપણે સીધા રામલીલા મેદાનમાં મળીશું - પણ તમારે આવવું જ પડશે. આજે - બપોરે 12 વાગ્યે."
રેલી પહેલા ખડગેના નિવાસસ્થાન બહાર સુરક્ષા તપાસ વધુ કડક
ઇન્ડિયા બ્લોકના રામલીલા મેદાનમાં રેલી પહેલા મિન્ટો બ્રિજથી વિરોધ પક્ષો દ્વારા કૂચ કાઢવાની અપેક્ષા છે. આને ધ્યાનમાં રાખીને, કોંગ્રેસ પ્રમુખ મલ્લિકાર્જુન ખડગેના નિવાસસ્થાન બહાર પાર્ક કરેલી સાંસદો અને અન્ય નેતાઓને લઈ જતી બસોમાં સુરક્ષા તપાસ કરવામાં આવી હતી.
રામલીલા મેદાનની બહાર પણ સુરક્ષા વ્યવસ્થા બની વધુ કડક, લોકો રામલીલા ખાતે એકઠાં થઇ રહ્યા છે.
લોકશાહી બચાવવા માટેની આજની રેલી લોકોનો પોતાનો અવાજ છે: સુખદેવ ભગત
આજની ‘ઇન્ડિયા’ બ્લોકની રેલી અંગે કોંગ્રેસના સાંસદ સુખદેવ ભગતે જણાવ્યું હતું કે, આ લડાઈ કોઈ એક વ્યક્તિ વિશે નથી પરંતુ દેશની બંધારણીય સંસ્થાઓ અને લોકશાહી મૂલ્યોનું રક્ષણ કરવા માટેની છે. તેમણે ઉમેર્યું કે વિપક્ષી ગઠબંધનના પ્રતિનિધિઓ અને નાગરિક સમાજના સભ્યોને સાથે રાખીને એક નકલી મહાભિયોગ પ્રક્રિયાનું આયોજન પણ કરવામાં આવ્યું હતું. ચૂંટણી પ્રક્રિયાની વિશ્વસનીયતા સંપૂર્ણપણે ખોવાઈ ગઈ હોવાનો આરોપ લગાવતાં તેમણે કહ્યું કે, આ પરિસ્થિતિ માટે જવાબદાર લોકોએ શરમ અનુભવીને તાત્કાલિક રાજીનામું આપવું જોઈએ. તેથી જ આજની આ રેલી જનતાનો અવાજ છે અને સાચા અર્થમાં તે લોકોની પોતાની રેલી બની ગઈ છે.
https://x.com/ANI/status/2116724936995934644?ref_src=twsrc%5Etfw%7Ctwcamp%5Etweetembed%7Ctwterm%5E2116724936995934644%7Ctwgr%5E%7Ctwcon%5Es1_c10&ref_url=
કોંગ્રેસ, મમતા બેનર્જીની આગેવાની હેઠળની તૃણમૂલ કોંગ્રેસ અને અખિલેશ યાદવની સમાજવાદી પાર્ટી સહિતના ટોચના નેતાઓએ આ વિરોધ પ્રદર્શનને પૂરેપૂરું સમર્થન આપ્યું છે. દેશભરમાંથી કાર્યકરો, વિદ્યાર્થી સંગઠનો અને નાગરિક સમાજના પ્રતિનિધિઓ મોટી સંખ્યામાં દિલ્હી પહોંચી રહ્યા છે, જે વિપક્ષની એકતા દર્શાવે છે.
દિલ્હી પોલીસ અને CAPF દ્વારા ચુસ્ત સુરક્ષા વ્યવસ્થા
મહારેલી અને વિવિધ વિરોધ પ્રદર્શનોને ધ્યાનમાં રાખીને દિલ્હી પોલીસ સંપૂર્ણ રીતે એલર્ટ મોડ પર છે. સમગ્ર રાજધાનીમાં અને ખાસ કરીને રેલીના માર્ગો પર કડક સુરક્ષા વ્યવસ્થા ગોઠવવામાં આવી છે. માર્ચ રૂટ અને રામલીલા મેદાન ખાતે ૪,૦૦૦થી વધુ પોલીસ કર્મચારીઓ તેમજ સેન્ટ્રલ આર્મ્ડ પોલીસ ફોર્સ (CAPF)ની ટુકડીઓને તૈનાત કરવામાં આવી છે. સમગ્ર રામલીલા મેદાન વિસ્તારને ૧૪ સુરક્ષા ઝોનમાં વહેંચવામાં આવ્યો છે, અને દરેક ઝોનની દેખરેખ અને જવાબદારી સહાયક કમિશનર (ACP) રેન્કના અધિકારીને સોંપવામાં આવી છે જેથી શાંતિ જળવાઈ રહે.
સીસીટીવી અને કેમેરા દ્વારા ભીડ પર સતત નજર
રેલી દરમિયાન કોઈપણ અનિચ્છનીય બનાવ ન બને તે માટે સુરક્ષા એજન્સીઓ દ્વારા અદ્યતન ટેકનોલોજીનો ઉપયોગ કરવામાં આવી રહ્યો છે. રામલીલા મેદાન અને તેની આસપાસના વિસ્તારોમાં મોટી સંખ્યામાં સીસીટીવી (CCTV) કેમેરા લગાવવામાં આવ્યા છે, જેના દ્વારા સમગ્ર ભીડ અને ગતિવિધિઓ પર સતત નજર રાખવામાં આવી રહી છે. કંટ્રોલ રૂમમાંથી પણ પળેપળની માહિતી મેળવવામાં આવી રહી છે. દિલ્હી પોલીસે વાહનવ્યવહારને સુચારૂ રાખવા માટે ટ્રાફિક ડાયવર્ઝન અને ખાસ એડવાઈઝરી પણ બહાર પાડી છે જેથી સામાન્ય જનતાને અવરજવરમાં કોઈ ભારે અગવડતા કે મુશ્કેલીનો સામનો કરવો ન પડે.
https://x.com/ANI/status/2116708672881803757?ref_src=twsrc%5Etfw%7Ctwcamp%5Etweetembed%7Ctwterm%5E2116708672881803757%7Ctwgr%5E%7Ctwcon%5Es1_c10&ref_url=
કનોટ પ્લેસથી રામલીલા મેદાન સુધીની વિશાળ કૂચ
રવિવારે બપોરે ૧૨ વાગ્યાથી વિપક્ષી નેતાઓ અને કાર્યકરો દ્વારા એક વિશાળ વિરોધ માર્ચ શરૂ કરવામાં આવશે. આ કૂચ દિલ્હીના કનોટ પ્લેસથી શરૂ થઈને મિન્ટો રોડ જંકશન પરથી પસાર થશે અને ત્યારબાદ અજમેરી ગેટ થઈને રામલીલા મેદાન ખાતે પહોંચશે. લોકસભામાં વિપક્ષના નેતા રાહુલ ગાંધીએ દેશની જનતાને આ રેલીમાં મોટી સંખ્યામાં જોડાવા અને લોકશાહી બચાવવાની આ લડાઈમાં ભાગીદાર બનવા માટે ખાસ અપીલ કરી છે. પશ્ચિમ બંગાળના ભૂતપૂર્વ મુખ્યમંત્રી મમતા બેનર્જી અને સમાજવાદી પાર્ટીના વડા અખિલેશ યાદવ સહિતના અનેક દિગ્ગજ નેતાઓ આ રેલીને સંબોધિત કરવાના છે.
રામલીલા મેદાનમાં ‘ઇન્ડિયા’ બ્લોકની મુખ્ય 3 માંગણીઓ
રામલીલા મેદાન ખાતે યોજાઈ રહેલી આ ૧૯ પક્ષોની સંયુક્ત રેલીમાં ‘ઇન્ડિયા’ બ્લોક દ્વારા સરકાર અને ચૂંટણી પંચ સામે મુખ્યત્વે ત્રણ મોટી માંગણીઓ મુકવામાં આવી છે. પ્રથમ માંગણી મુખ્ય ચૂંટણી કમિશનર જ્ઞાનેશ કુમારના તાત્કાલિક રાજીનામાની છે. બીજી માંગણી SIR પ્રક્રિયાને તુરંત જ રદ કરવાની છે, અને ત્રીજી મહત્વની માંગણી દેશમાં આગામી સમયમાં યોજાનારી તમામ ચૂંટણીઓ ઇલેક્ટ્રોનિક વોટિંગ મશીન (EVM)ને બદલે જૂની બેલેટ પેપર પદ્ધતિ દ્વારા કરાવવાની છે. આ ત્રણેય મુદ્દાઓને લઈને વિપક્ષી નેતાઓ રસ્તા પર ઉતરીને સરકાર સામે વિરોધ પ્રદર્શન કરી રહ્યા છે.
શીખ સમુદાય દ્વારા યોજાયેલી વિરોધ કૂચ
એક તરફ રામલીલા મેદાનમાં વિપક્ષી ગઠબંધનની મહારેલી યોજાઈ રહી છે, તો બીજી તરફ દિલ્હીમાં શીખ સમુદાય દ્વારા પણ એક અલગ વિરોધ કૂચનું આયોજન કરવામાં આવ્યું છે. આ શોભાયાત્રાનું નેતૃત્વ કેન્દ્રીય મંત્રી હરદીપ સિંહ પુરી કરી રહ્યા છે. આ કૂચ તિલક નગરથી શરૂ થઈને હરિ નગર તરફ આગળ વધશે. ૧લી નવેમ્બરે શીખ સમુદાય સામે થયેલી હિંસાના વિરોધમાં આ માર્ચ કાઢવામાં આવી રહી છે. પૂર્વ વડાપ્રધાન રાજીવ ગાંધીની હત્યા બાદ દેશભરમાં ફેલાયેલી હિંસા અને શીખ વિરોધી રમખાણોની ઘટનાઓને યાદ કરીને આ વિરોધ પ્રદર્શન યોજવામાં આવી રહ્યું છે.
આ પણ વાંચોઃ New Delhi : કોંગ્રેસની રેલીને લઈને દિલ્હીમાં સુરક્ષા સઘન, 70 હજારથી વધુ જવાનો તૈનાત