જો તમને જમ્મુ-કાશ્મીરની જવાનું વિચારી રહ્યા છે. તો તમારા માટે સારા સમાચાર છે. જમ્મુ અને કાશ્મીરમાં સુરક્ષા સમીક્ષા બાદ, 29 સપ્ટેમ્બરથી ઘણા બંધ પ્રવાસન સ્થળો ફરીથી ખોલવાનો નિર્ણય લેવામાં આવ્યો છે. લેફ્ટનન્ટ ગવર્નર મનોજ સિન્હાએ પોતે આ જાહેરાત કરી હતી. લેફ્ટનન્ટ ગવર્નર મનોજ સિન્હાએ જણાવ્યું હતું કે કાશ્મીર અને જમ્મુ વિભાગના મુખ્ય પ્રવાસન સ્થળો પ્રવાસીઓ માટે ફરી ખુલશે. પહેલગામ આતંકવાદી હુમલા પછી સાવચેતીના પગલા તરીકે આ પ્રવાસન સ્થળો બંધ કરવામાં આવ્યા હતા.
કયા સ્થળો ફરીથી ખોલવામાં આવશે?
કાશ્મીર વિભાગમાં જે સ્થળો ફરીથી ખોલવામાં આવશે તેમાં અરુ ખીણ, રાફ્ટિંગ પોઈન્ટ યન્નાર, અક્કડ પાર્ક, પાદશાહી પાર્ક અને કમાન્ડ પોસ્ટ, દાગન ટોપ, રામબન, કઠુઆનો ધગર વિસ્તાર અને રિયાસીમાં શિવ ગુફાઓ (સલાલ)નો સમાવેશ થાય છે. આ બધા સ્થળો 29 સપ્ટેમ્બરથી તબક્કાવાર ફરીથી ખોલવામાં આવશે. લેફ્ટનન્ટ ગવર્નરે ટ્વિટ કર્યું કે સુરક્ષા એજન્સીઓ અને જિલ્લા વહીવટીતંત્ર સાથે UHQ બેઠકમાં વ્યાપક સમીક્ષા બાદ આ નિર્ણય લેવામાં આવ્યો છે.
After a thorough security review and discussion in today's UHQ Meeting, I've ordered reopening of more tourist spots in Kashmir and Jammu Divisions, which were temporarily closed as precautionary measures.
આતંકવાદી હુમલા પછી પ્રવાસન સ્થળો બંધ કરવામાં આવ્યા હતા.
તાજેતરના મહિનાઓમાં, પહેલગામ આતંકવાદી હુમલામાં 26 પ્રવાસીઓના મોત બાદ, સુરક્ષા કારણોસર આ વિસ્તારોમાં પ્રવાસન પ્રવૃત્તિઓ સ્થગિત કરવામાં આવી હતી. તે સમયે, વહીવટીતંત્રે પાકિસ્તાન અને પાકિસ્તાન કબજા હેઠળના કાશ્મીર (PoK) માં આતંકવાદી ઠેકાણાઓને નિશાન બનાવીને મોટા પાયે ઓપરેશન સિંદૂર શરૂ કર્યું હતું. જૂનમાં,વહીવટીતંત્રે 16 પ્રવાસન સ્થળો ફરીથી ખોલવાની પ્રક્રિયા શરૂ કરી હતી, પરંતુ કેટલાક સંવેદનશીલ સ્થળો બંધ રહ્યા હતા.
પ્રવાસન અને સ્થાનિક અર્થતંત્રને વેગ આપવો
પર્યટન સ્થળો ફરીથી ખોલવાથી કાશ્મીર અને જમ્મુ પ્રદેશોમાં સ્થાનિક અર્થતંત્રને પુનર્જીવિત થવાની અપેક્ષા છે. સ્થાનિક વ્યવસાયો અને હોટેલ-રેસ્ટોરન્ટ ઉદ્યોગ આતંકવાદી ઘટનાઓ અને સુરક્ષા પ્રતિબંધોથી પ્રભાવિત થયા હતા. આ નિર્ણય માત્ર પ્રવાસીઓને રાહત આપશે નહીં પરંતુ સ્થાનિક રહેવાસીઓ માટે રોજગાર અને આવકમાં પણ વધારો કરશે તેવું માનવામાં આવે છે.
