જમ્મુ અને કશ્મીરમાં તાજેતરના પૂર અને ભૂસ્ખલનને કારણે 2,500 રસ્તાઓને નુકસાન થયું હતું, જેના કારણે પીડબ્લ્યુડીને રૂ. 100 કરોડથી વધુનું નુકસાન થયું હતું.અત્યાર સુધી 1500 માર્ગોનું કામ ચાલુ થઇ ચૂક્યુ છે, જ્યારે 1,000 માર્ગ હજુ પણ બંધ છે અને નુકસાનની આકારણી પણ જારી છે.
નુકસાન 100 કરોડ રૂપિયાથી વધુ હોવાનો અંદાજ
જમ્મુ કશ્મીરમાં પૂર-ભૂસ્ખલનથી લોક નિર્માણ વિભાગ પીડબલ્યુડીને ભારે નુકસાન પહોંચ્યુ છે. 2500 માર્ગો પ્રભાવિત થયા છે. આમાંથી 60% રસ્તાઓ પુનઃસ્થાપિત કરવામાં આવ્યા છે. લગભગ 1,000 રસ્તાઓ હજુ પણ બંધ છે. મોટાભાગના રસ્તાઓ ગ્રામીણ વિસ્તારોમાં છે. પીડબ્લ્યુડી અનુસાર, નુકસાન 100 કરોડ રૂપિયાથી વધુ હોવાનો અંદાજ છે. જોકે, વિભાગ હજુ પણ આકારણી કરી રહ્યું છે. આમાં પ્રધાનમંત્રી ગ્રામ સડક યોજના હેઠળ છેલ્લા કેટલાક વર્ષોમાં બનેલા નવા રસ્તાઓનો સમાવેશ થાય છે. અસરગ્રસ્ત રસ્તાઓ પર મોટા પાયે ભૂસ્ખલન થયું છે. કેટલીક જગ્યાએ કલ્વર્ટ ખસી ગયા છે. પુલોને પણ નુકસાન થયું છે. આનાથી અવરજવર પર અસર પડી રહી છે.
