રાંચીથી દિલ્હી જતી ફ્લાઇટમાં થયેલી દુર્ઘટનામાં પાયલોટ સ્વરાજદીપ સિંહનું દુઃખદ અવસાન થયું. ટેકઓફ કરતા પહેલા સ્વરાજદીપે પોતાના પરિવારને ફોન કરીને કહ્યું હતું, “હું તમને ઉતરાણ પછી ફોન કરીશ, મમ્મી.” પરંતુ એ ફોન ક્યારેય આવ્યો નહીં. પરિવારને બે કલાક સુધી કોઈ સંદેશ ન મળ્યો. ફોન બંધ જ રહ્યો. ત્યારબાદ TV પર ફ્લાઇટ દુર્ઘટનાના સમાચાર આવવા લાગ્યા. માતાપિતાનું હૃદય ડૂબી ગયું, છતાં તેઓ આશા રાખીને બેઠા રહ્યા.
સંબંધિત કંપની તરફથી એક ઇમેઇલ
કલાકો બાદ સંબંધિત કંપની તરફથી એક ઇમેઇલ આવ્યો, જેમાં સ્વરાજદીપના અવસાનની સત્તાવાર પુષ્ટિ કરવામાં આવી. જે ઇમેઇલ પરિવાર માટે માત્ર માહિતી નહોતો, પરંતુ આખી જિંદગીનું દુઃખ લઈને આવ્યો. સ્વરાજદીપના પરિવારમાં તેમની પત્ની અને માત્ર ત્રણ મહિનાનું બાળક છે. લગ્નને હજી 20 મહિના જ થયા હતા. એક યુવાન પતિ, નવો પિતા અને માતાપિતાનો ગૌરવ – બધું એક પળમાં છીનવાઈ ગયું.
સ્વરાજદીપ માત્ર પાયલોટ
પડોશીઓ અને સ્થાનિક લોકો માટે સ્વરાજદીપ માત્ર પાયલોટ નહોતા; તેઓ એક સજ્જન, સંસ્કારી અને હંમેશા મદદરૂપ વ્યક્તિ તરીકે ઓળખાતા. અમરદીપ સિંહ અને મુખ્તિયાર સિંહ કહે છે, “નાના દીકરાને આ રીતે ગુમાવવું કોઈપણ પરિવાર માટે અસહ્ય છે. સ્વરાજદીપ પોતાના માતાપિતાનું ગૌરવ હતો.”
આખા વિસ્તારમાં શોકની લાગણી
આ દુર્ઘટના પછી આખા વિસ્તારમાં શોકની લાગણી છવાઈ ગઈ છે. ઘણા ઘરોમાં ચૂલા સળગ્યા નથી. લોકો શોકગ્રસ્ત પરિવારને સાંત્વના આપવા પહોંચી રહ્યા છે, પરંતુ માતાપિતાનું દુઃખ શબ્દોમાં વ્યક્ત થઈ શકે એવું નથી. આ ઘટનાએ ફરી એકવાર ઉડ્ડયન સલામતી પર ગંભીર પ્રશ્નો ઊભા કર્યા છે. લોકો સરકાર અને નાગરિક ઉડ્ડયન સત્તાધિકારી DGCA પાસે કડક નિયમો અને પારદર્શક તપાસની માંગ કરી રહ્યા છે.
સ્થાનિક રહેવાસીઓની માંગ
સ્થાનિક રહેવાસીઓ કહે છે કે વારંવાર થતી વિમાન દુર્ઘટનાઓ પાછળની ટેકનિકલ ખામીઓની નિષ્પક્ષ તપાસ થવી જોઈએ. બેદરકારી દાખવનારી કંપનીઓ સામે કડક કાર્યવાહી જરૂરી છે, જેથી ભવિષ્યમાં કોઈ બીજો “સ્વરાજદીપ” આ રીતે ગુમાવવો ન પડે. રાંચીથી રાંચી થી દિલ્હી સુધીની આ ઉડાન એક પરિવાર માટે ક્યારેય પૂરી ન થનારી મુસાફરી બની ગઈ. સ્વરાજદીપનું અધૂરું વચન આજે દરેકને ઉડ્ડયન સલામતી વિશે વિચારવા મજબૂર કરે છે.
આ પણ વાંચો : Jharkhand air ambulance crash : જીવન બચાવતી ફ્લાઇટ કેટલી સુરક્ષિત? ભારતમાં એર એમ્બ્યુલન્સ દુર્ઘટનાઓનો ચોંકાવનારો આંકડો
