મુંબઈના ભાંડુપ વિસ્તારમાં થયેલી દર્દનાક બસ દુર્ઘટના બાદ BESTએ મોટો નિર્ણય લીધો છે. બેસ્ટે આ દુર્ઘટનામાં જીવ ગુમાવનારા 13 મૃતકના પરિવારજનોને 2-2 લાખ રૂપિયાની આર્થિક સહાય આપવાની જાહેરાત કરી છે. તેની સાથે જ દુર્ઘટનાની તાત્કાલિક વિભાગીય તપાસના આદેશ પણ આપ્યા છે.
આ દુર્ઘટનામાં 13 લોકોએ પોતાના જીવ ગુમાવ્યા
આ દુર્ઘટના 29 ડિસેમ્બરે તે સમયે થઈ, જ્યારે એક વેટ-લીઝ પર ચલાવવામાં આવી રહેલી બેસ્ટ બસ ભાંડુપ રેલવે સ્ટેશનની પાસે બેકાબૂ બની અને રસ્તા પર ચાલી રહેલા લોકોને કચડી નાખ્યા, આ દુર્ઘટનામાં 13 લોકોએ પોતાના જીવ ગુમાવ્યા છે, જ્યારે અન્ય ઘણા લોકો ગંભીર રીતે ઘાયલ થયા છે. બેસ્ટ દ્વારા જાહેર કરાયેલા સત્તાવાર નિવેદનમાં કહેવામાં આવ્યું છે કે આ દુર્ભાગ્યપૂર્ણ દુર્ઘટના પર બેસ્ટ દુ:ખ વ્યક્ત કરે છે. નિવેદનમાં કહેવામાં આવ્યું છે કે બેસ્ટ આ દુર્ઘટનામાં ઘાયલ થયેલા લોકોની સારવાર અને દરેક અન્ય સંભવ મદદ પ્રદાન કરવા માટે પ્રતિબદ્ધ છે, સાથે જ મૃતકોના પરિવારજનો પ્રત્યે સંવેદના વ્યક્ત કરે છે.
