મુંબઈના બોરીવલીમાં આવેલી MHB કોલોની પોલીસે 13 કરોડ રૂપિયાથી વધુ કિંમતના સોનાના દાગીનાની ચોરીના કેસમાં ત્રણ આરોપીઓની ધરપકડ કરવામાં આવી છે. ધરપકડ કરાયેલા આરોપીઓમાં રાજકોટ (ગુજરાત) ના રહેવાસી 19 વર્ષીય જીગ્નેશ કુછડિયા, તેના પિતા નાથાભાઈ કુછડિયા અને તેનો મિત્ર યશ જીવાભાઈ શામેલ છે. પોલીસે આ ત્રણેય આરોપીઓ પાસેથી લગભગ 13 કિલો સોનુ અને એક થાર કાર જપ્ત કરી છે.
મળતી માહિતી પ્રમાણે જીજ્ઞેશ રાજસ્થાનની એક જ્વેલરી કંપનીમાં કામ કરે છે. 20 જૂને તે મુંબઈ આવ્યો હતો. આ દરમિયાન પોતાના સાથીની ગરેહાજરીનો ફાયદો ઉઠાવીને તેના ફ્લેટ પરથી સોનાની ચોરી કરી હતી અને પિતાની મદદથી બોરિવલીના સંજય ગાંધી નેશનલ પાર્ક એરિયામાંથી કારમાં બેસીને ગુજરાત ભાગી ગયો. ગુજરાત સ્થિત કંપની જેપી એક્સપોર્ટ્સ ગોલ્ડ એન્ડ ડાયમંડ જ્વેલરી ગુજરાત દક્ષિણ ક્ષેત્રમાં સોનું વેચે છે.
