કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ દેશમાં ગ્રીન એનર્જી અને વૈકલ્પિક ઇંધણના વપરાશને લઈને એક નવું અને મહત્ત્વાકાંક્ષી સ્વપ્ન રજૂ કર્યું છે. મધ્યપ્રદેશમાં મુખ્યમંત્રીની સુગમ પરિવહન સેવાના લોન્ચિંગ પ્રસંગે બોલતા તેમણે જાહેરાત કરી હતી કે આગામી ઓક્ટોબર મહિના સુધીમાં દેશમાં અગ્રણી ઓટોમોબાઈલ કંપનીઓ દ્વારા ૧૦૦% ઇથેનોલથી ચાલતી કાર અને વાહનો લોન્ચ કરવામાં આવશે. આ વાહનો ફ્લેક્સ-એન્જિન ટેકનોલોજીથી સજ્જ હશે.
25 રૂપિયે પ્રતિ લીટર પેટ્રોલે ચાલશે વાહનો
નીતિન ગડકરીએ મોટો દાવો કરતા જણાવ્યું હતું કે જો કોઈ કાર 100% ઇથેનોલનો ઉપયોગ કરે છે, તો તેનો ઇંધણ ખર્ચ ઘટીને માત્ર 25 રૂપિયા પ્રતિ લિટર જેટલો જ આવશે, જે પરંપરાગત પેટ્રોલની સરખામણીમાં અત્યંત સસ્તો છે. તેમણે પોતાની વ્યક્તિગત ગાડીનું ઉદાહરણ આપતા કહ્યું કે તેમની પાસે ટોયોટા ઇનોવા કાર છે જે ૧૦૦% ઇથેનોલ પર ચાલે છે. દેશમાં હાલમાં 40 મિલિયન કાર અને 200 મિલિયન ટુ-વ્હીલર્સ ઉપલબ્ધ છે, ત્યારે જો આ તમામ વાહનો ઇથેનોલ તરફ વળે તો દેશને મોટોર્થિક લાભ થઈ શકે છે.