આ ઘટના બાદ, રાજ્ય સરકારે કડક વલણ અપનાવતા 21 અધિકારીઓ અને કર્મચારીઓને સસ્પેન્ડ કર્યા છે.
રાજ્ય સરકારના કડક વલણ
મુખ્યમંત્રી દેવેન્દ્ર ફડણવીસના નિર્દેશ પર બેદરકારી અને દેખરેખના અભાવે સસ્પેન્શન જાહેર રવામાં આવ્યા હતા. વહીવટીતંત્ર માને છે કે જો સમયસર અસરકારક પગલાં લેવામાં આવ્યા હોત, તો આ ઘટના ટાળી શકાઈ હોત. આટલી મોટી જાનહાનિ ટાળી શકાઈ હોત. આ કેસમાં બેદરકારી બદલ 21 અધિકારીઓને સસ્પેન્ડ કરવામાં આવ્યા છે. તપાસમાં ભિવંડીમાંથી 5,929 લિટર મિથેનોલ મળી આવ્યો હોવાનું બહાર આવ્યું છે
મૃત્યુઆંક 24 પર પહોંચ્યો
હડપસરના કાલેપડલ વિસ્તારમાં વધુ બે લોકોના મોત બાદ મૃત્યુઆંક 24 પર પહોંચી ગયો છે. મૃતકોમાં 60 વર્ષીય વિકાસ કિશન કેદારી અને 45 વર્ષીય નિલેશ ઘોલપનો સમાવેશ થાય છે. અગાઉ ફુગેવાડી અને ઉરુલી કંચન વિસ્તારમાંથી પણ મૃત્યુના અહેવાલો સામે આવ્યા હતા. તપાસ દરમિયાન, આ ઝેરી દારૂ કૌભાંડની કડીઓ થાણે જિલ્લાના ભિવંડી સાથે જોડાયેલી છે. ફૂડ એન્ડ ડ્રગ એડમિનિસ્ટ્રેશને ભિવંડીમાં વેરહાઉસ પર દરોડા પાડ્યા હતા. અને 5,929 લિટર મિથેનોલ જપ્ત કર્યું હતુ.
અત્યાર સુધીમાં 22 આરોપીઓની ધરપકડ
રાજ્ય આબકારી વિભાગે પુણે અને પિંપરી-ચિંચવડમાં વ્યાપક દરોડા પાડ્યા અને 4,480 લિટર ગેરકાયદેસર દારૂ જપ્ત કર્યો હતો. દારૂના ઉત્પાદનમાં વપરાતા આશરે 42 હજાર લિટર રસાયણોનો પણ નાશ કરવામાં આવ્યો હતો. અત્યાર સુધીમાં આ કેસમાં 22 આરોપીઓની ધરપકડ કરવામાં આવી છે. પુણેની ઘટના બાદ, રાજ્યભરમાં ગેરકાયદેસર દારૂ વિરુદ્ધ ઝુંબેશ તેજ થઈ ગઈ છે. નાગપુરમાં, પોલીસ અને એક્સાઇઝ વિભાગે 43 સ્થળોએ સંયુક્ત દરોડા પાડ્યા હતા અને 56 લોકો સામે કેસ નોંધ્યા હતા.
ગેરકાયદેસર દારૂ ભઠ્ઠી પર બુલડોઝર કાર્યવાહી
પુણે ગ્રામ્યમાં મુલશી તાલુકાના રીહે, કતારખડક, ઘોડાવાડે, માલે, અંબાવાને, ભદાસ, મુથા અને કરમોલી વિસ્તારોમાં ગેરકાયદેસર દારૂના અડ્ડાઓ પર મોટી કાર્યવાહીમાં, પોલીસે 10 થી 12 હાથથી બનાવેલી દારૂ ભઠ્ઠીઓ તોડી પાડી છે. પોલીસ, એક્સાઇઝ વિભાગ અને FDAની સંયુક્ત ટીમો સમગ્ર નેટવર્કની તપાસ કરી રહી છે. તપાસ એજન્સીઓ એ નક્કી કરવાનો પ્રયાસ કરી રહી છે કે ઝેરી દારૂ બનાવવા માટે વપરાતું મિથેનોલ ક્યાંથી આવ્યું અને તેની સપ્લાય ચેઇનમાં કોણ સામેલ હતું.
આ પણ વાંચોઃ ડીલ માટે ઉતાવળ નથી, જો ઈરાન શરતો નહી સ્વીકારે તો કરીશું હુમલોઃ ટ્રમ્પ