દિલ્હીમાં કોકરોચ જનતા પાર્ટી (CJP) ની માર્ચ અને વિરોધ પ્રદર્શન દરમિયાન વિદ્યાર્થીઓ સામે કરવામાં આવેલી પોલીસ કાર્યવાહીને પડકારતી અરજી પર સુપ્રીમ કોર્ટમાં સુનાવણી હાથ ધરવામાં આવી હતી. ભારતના મુખ્ય ન્યાયાધીશ (CJI) સૂર્યકાંતે આ અરજી પર સુનાવણી દરમિયાન અત્યંત મહત્વપૂર્ણ અને કડક ટિપ્પણી કરતા સ્પષ્ટ શબ્દોમાં કહ્યું હતું કે, "અમારો સમય બગાડો નહીં." કોર્ટે આ મામલે કોઈપણ પ્રકારની તાત્કાલિક સુનાવણી હાથ ધરવાનો સ્પષ્ટ ઇનકાર કરી દીધો છે.
CJI સૂર્યકાંતે કહ્યુ કે અમારો સમય ન બગાડો
જ્યારે સુનાવણી દરમિયાન વકીલ દ્વારા એવો દાવો કરવામાં આવ્યો કે પોલીસના અત્યાચાર અને અતિરેકને સ્પષ્ટપણે દર્શાવતા વીડિયો પુરાવાઓ અસ્તિત્વમાં છે, ત્યારે CJI સૂર્યકાંતે તેની સામે અસંતોષ વ્યક્ત કરતા કહ્યું હતું કે, "અમને આવા વીડિયોમાં કોઈ રસ નથી અને અમારી પાસે તે જોવાનો સમય પણ નથી." સુપ્રીમ કોર્ટના આ વલણથી અરજદારોને મોટો ઝટકો લાગ્યો છે.