ઉત્તરપ્રદેશના લાખો આઉટસોર્સ કર્મચારીઓ માટે ગુડ ન્યૂઝ છે. રાજધાની લખનઉમાં યોગી આદિત્યનાથ કેબિનેટની બેઠકમાં યુપી આઉટસોર્સિંગ સર્વિસ કોર્પોરેશન બનાવવાની દરખાસ્તને મંજૂરી આપવામાં આવી છે.પ્રસ્તાવ અનુસાર પોર્ટલ દ્વારા સર્વિસ પ્રોવાઇડર રાખવામાં આવશે. ન્યુનત્તમ વેતનમાન 16,000 રૂપિયાથી લઇને 20,000 રૂપિયા સુધી,એજન્સીની નિયુક્તિ 3 વર્ષના સમયગાળા માટે કરવામાં આવશે. કોર્પોરેશનની રચના બાદ આઉટસોર્સ કર્મચારીઓનો પગાર સીધો તેમના ખાતામાં જશે.
1 થી 5 તારીખ વચ્ચે મળશે સેલરી
યુપી આઉટસોર્સિગ સેવા નિગમની રચના બાદ આઉટસોર્સ કર્મચારીઓને મહિનામાં 1થી 5 તારીખ વચ્ચે સેલરી આપવામાં આવશે. બેઠક બાદ કેબિનેટ મંતેરી સુરેશ ખન્નાએ આ વાત જણાવતા કહ્યુ કે આઉટસોર્સિગના માધ્યમથી કરનારી ભરતીઓમાં આરક્ષણની વાત કરવામાં આવી છે. જેમાં એસસી, એસટી, મહિલા , દિવ્યાંગ દરેકનું આરક્ષણ થશે, રચના હેઠળ આઉટસોર્સ કર્મીઓને એક મહિનામાં 26 દિવસની સેવા આપવાની રહેશે. કેબિનેટ મંત્રી સુરેશ ખન્નાએ એ પણ કહ્યુ કે આઉટસોર્સ રચનાના માધ્યમથી પસંદગી પ્રક્રિયામાં લેખિત પરીક્ષા સિવાય મૌખિક પણ આપવાની રહેશે.
