Weather Update: રાજધાનીમાં ગરમીએ ભુક્કા બોલાવ્યા, હીટવેવ શરુ IMDએ આપ્યુ એલર્ટ

શુક્રવારે આ સીઝનની પહેલી હીટવેવ નોંધાઈ હતી. શહેરના ઘણા વિસ્તારોમાં તાપમાન 41 થી 43 ડિગ્રી સેલ્સિયસ સુધી પહોંચી ગયું છે, જેના કારણે જનજીવન પ્રભાવિત થવા લાગ્યું છે. શનિવાર માટે યેલો એલર્ટ જાહેર કરવામાં આવ્યો છે અને આગળના થોડા દિવસો સુધી આ સ્થિતિ યથાવત રહી શકે તેવી ચેતવણી આપવામાં આવી છે.

લોધી રોડ અને રિજ વિસ્તાર સ્ટેશનો પર તાપમાન હીટવેવની શ્રેણી પાર કરી ગયું

જોકે દિલ્હીના મુખ્ય હવામાન કેન્દ્ર Safdarjung Observatory પર સત્તાવાર રીતે હીટવેવ નોંધાઈ નથી, પરંતુ શહેરના અન્ય વિસ્તારોમાં પરિસ્થિતિ ગંભીર રહી. લોધી રોડ અને રિજ વિસ્તાર સ્ટેશનો પર તાપમાન હીટવેવની શ્રેણી પાર કરી ગયું.

સફદરજંગમાં મહત્તમ તાપમાન 41.9°C (સામાન્યથી 4.2°C વધુ)

લોધી રોડમાં 41.8°C (સામાન્યથી 4.8°C વધુ)

રિજ વિસ્તારમાં 43.1°C (સામાન્યથી 4.7°C વધુ)

IMD મુજબ, જ્યારે તાપમાન 40°Cથી વધુ હોય અને સામાન્યથી 4.5 થી 6.4°C વધારે હોય ત્યારે તેને હીટવેવ માનવામાં આવે છે.

શનિવારે પણ યેલો એલર્ટ યથાવત રાખવામાં આવ્યું છે. દિવસ દરમિયાન 15 થી 25 કિમી પ્રતિ કલાકની ઝડપે પવન ફૂંકાઈ શકે છે, જે ક્યારેક 35 કિમી પ્રતિ કલાક સુધી પહોંચી શકે છે.

સોમવારથી હવામાનમાં ફેરફાર

સોમવારથી આકાશમાં વાદળો છવાઈ શકે છે અને મંગળવારે હળવો વરસાદ અથવા છાંટા પડી શકે છે. ત્યારબાદ તાપમાનમાં ધીમે ધીમે ઘટાડો થવાની શક્યતા છે. હવામાન નિષ્ણાતોના જણાવ્યા અનુસાર, આ સીઝનની પહેલી હીટવેવ છે અને રવિવાર સુધી આવી સ્થિતિ યથાવત રહી શકે છે.

આ પણ વાંચો: Paytmને મોટો ફટકો, RBIએ રદ્દ કર્યુ પેમેન્ટ બેંકનું લાઇસન્સ