ગુરુવારે પશ્ચિમ બંગાળ વિધાનસભામાં ખાસ સત્ર દરમિયાન ભાજપના ધારાસભ્યો અને માર્શલો વચ્ચે ઘર્ષણ થયું હતું. આ ઘર્ષણ બાદ ભાજપના ધારાસભ્ય અને મુખ્ય દંડક શંકર ઘોષ સહિત પાંચ ધારાસભ્યોને ગૃહની કાર્યવાહીમાંથી સસ્પેન્ડ કરવામાં આવ્યા હતા. જે ધારાસભ્યોને સસ્પેન્ડ કરવામાં આવ્યા છે તેમાં મુખ્ય દંડક શંકર ઘોષ, અગ્નિમિત્ર પાલ, મિહિર ગોસ્વામી, અશોક ડિંડા અને બંકિમ ઘોષનો સમાવેશ થાય છે.
એક દિવસ માટે કરાયા સસ્પેન્ડ
આ પાંચ ધારાસભ્યોને ગૃહની બાકીની કાર્યવાહીમાંથી એક દિવસ એટલે કે ગુરુવાર માટે સસ્પેન્ડ કરવામાં આવ્યા હતા. વિધાનસભા અધ્યક્ષના આ પગલા પર ભાજપ દ્વારા મમતા સરકાર પર પ્રહારો કરવામાં આવ્યા. ભાજપે કહ્યું કે પશ્ચિમ બંગાળમાં લોકશાહી મરી ગઈ છે. મમતાએ વિપક્ષના ધારાસભ્યો પર હુમલો કર્યો. મમતાએ એ જ ભૂલ કરી જે સીપીએમે કરી હતી. જ્યારે ભાજપના ધારાસભ્ય શુભેન્દુ અધિકારીએ કહ્યું કે ટીએમસીનો અંત હવે આવી ગયો છે.
કેમ થયો હોબાળો ?
અધિકારીએ કહ્યું કે બંગાળ વિધાનસભામાં લોકશાહીની હત્યા કરવામાં આવી છે. શુભેન્દુએ કહ્યું કે સીએમ મમતા અને તેમના વહીવટીતંત્રે લોકશાહીની હત્યા કરી છે. વાસ્તવમાં, સીએમ મમતા બોલ્યા પછી વિધાનસભામાં હોબાળો શરૂ થયો. તેમણે બોલવાનું શરૂ કરતાની સાથે જ ભાજપના ધારાસભ્યોએ સૂત્રોચ્ચાર શરૂ કરી દીધા. આ પછી ટીએમસીના ધારાસભ્યોએ પણ સૂત્રોચ્ચાર શરૂ કરી દીધા.
આટલું જ નહીં, વિધાનસભામાં બોટલો પણ ફેંકવામાં આવી. આ 1 કલાકથી વધુ સમય સુધી ચાલુ રહ્યું. આ પછી વિધાનસભા અધ્યક્ષ બિમન બેનર્જીએ ભાજપના ધારાસભ્યોને સૂત્રોચ્ચાર અને ગૃહની કાર્યવાહીમાં અવરોધ ઉભો કરવાના આરોપસર સસ્પેન્ડ કર્યા.
ભાજપ બંગાળ વિરોધી છે - મમતા બેનર્જી
સદનમાં હોબાળા પછી મમતા બેનર્જીએ કહ્યું કે ભાજપ મને બોલવા દેતી નથી. ભાજપ બંગાળ વિરોધી છે. તે ગૃહમાં ચર્ચા ઇચ્છતી નથી. મમતાએ બીજેપીને વોટ ચોર કહી. મમતાએ કહ્યું કે ભાજપ સરકાર નથી જોઇતી.
