પશ્ચિમ બંગાળમાં વિધાનસભા ચૂંટણી દરમિયાન મળેલી ગેરરીતિની ફરિયાદોને ગંભીરતાથી લેતા ચૂંટણી પંચે એ મોટો નિર્ણય લીધો છે. દક્ષિણ 24 પરગણા જિલ્લાના બે મુખ્ય વિધાનસભા વિસ્તારોના 15 મતદાન મથકો પર આગામી 2 મે ના રોજ ફરીથી મતદાન કરાવવાનો આદેશ આપવામાં આવ્યો છે.
મગરાહાટ અને ડાયમંડ હાર્બરમાં ફરી મતદાન
ચૂંટણી પંચના જણાવ્યા અનુસાર, દક્ષિણ 24 પરગણા જિલ્લાના મગરાહાટ પશ્ચિમ વિધાનસભા મતવિસ્તારના 11 બૂથો પર ફરીથી મતદાન થશે. આ ઉપરાંત, ડાયમંડ હાર્બર વિધાનસભા મતવિસ્તારના 4 બૂથો પર પણ વ્યાપક ફરિયાદો અને સ્કૃતિની બાદ ફરી વોટિંગ કરાવવાનો નિર્ણય લેવાયો છે. ચૂંટણીની પારદર્શિતા અને નિષ્પક્ષતા જાળવી રાખવા માટે પંચે આ કડક વલણ અપનાવ્યું છે.