NIAએ મોસ્ટ વોન્ટેડ આરોપી તહવ્વુર રાણાનો પ્રથમ ફોટો કર્યો જાહેર

મુંબઈ 26/11ના આતંકી હુમલાના મોસ્ટ વોન્ટેડ આરોપી તહવ્વુર રાણાને અમેરિકાથી ભારત લાવવામાં આવ્યો છે. તેનો પ્રથમ ફોટો પણ સામે આવ્યો છે. NIAએ આ ફોટો જાહેર કર્યો છે. જેમાં આરોપીને પાછળની બાજુથી જોઈ શકાય છે. તેના વાળ સાવ સફેદ થઈ ગયા છે. જોકે, જે ફોટો જાહેર થયો છે, તેમાં તેનો ચહેરો દેખાતો નથી. રાણાને અમેરિકાથી પ્રત્યાર્પણ કરીને ભારત લાવવામાં આવ્યો છે.

કોર્ટમાં હાજર થયા બાદ NIA રાણાની કસ્ટડીની માગ કરશે

રાણાને દિલ્હીના પાલમ એરપોર્ટના ગેટ નંબર 4 પરથી બહાર લાવવામાં આવ્યો હતો, જ્યાંથી તેમને પટિયાલા હાઉસ કોર્ટમાં રજૂ કરવા માટે લઈ જવામાં આવ્યો હતો. સવારે 8 વાગ્યા પછી સ્પેશિયલ NIA જજ ચંદ્રજીત સિંહની કોર્ટમાં તેમની હાજરીનું આયોજન કરવામાં આવ્યું છે. રાણાની સુરક્ષા માટે દિલ્હી પોલીસના કમાન્ડો તૈનાત કરવામાં આવ્યા છે. કોર્ટમાં હાજર થયા બાદ NIA તેની કસ્ટડીની માગ કરશે. સુરક્ષા કારણોસર, દિલ્હીના જવાહરલાલ નહેરુ મેટ્રો સ્ટેશનનો ગેટ નંબર 2 બંધ કરી દેવામાં આવ્યો છે અને આસપાસના વિસ્તારમાં અવરજવર પર પ્રતિબંધ મૂકવામાં આવ્યો છે.

એરપોર્ટ પર મેડિકલ ટેસ્ટ કરવામાં આવ્યો

તમને જણાવી દઈએ કે રાણાને અમેરિકાના ખાસ વિમાન ગલ્ફસ્ટ્રીમ G550 દ્વારા સાંજે 6:22 વાગ્યે દિલ્હીના પાલમ ટેકનિકલ એરપોર્ટ લાવવામાં આવ્યો છે. રાણાની UAPA અને IPCની અનેક ગંભીર કલમો હેઠળ ધરપકડ કરવામાં આવી છે. દિલ્હી એરપોર્ટ પર સુરક્ષા એજન્સીઓ દ્વારા કડક વ્યવસ્થા કરવામાં આવી હતી. તે જ સમયે, એરપોર્ટ પર જ તેની મેડિકલ ટેસ્ટ કરવામાં આવ્યો હતો.

 NIA ટીમ પટિયાલા હાઉસ કોર્ટમાં લઈ ગઈ

NIA અધિકારીઓએ રાણાને એરપોર્ટની બહાર કાઢવા માટે કાર્ગો ટર્મિનલ નંબર 4નો ઉપયોગ કર્યો છે. મેડિકલ ટેસ્ટ પૂર્ણ થયા પછી તેનો ધરપકડ મેમો તૈયાર કરવામાં આવ્યો. આ પછી તરત જ દિલ્હી પોલીસ કમાન્ડો અને NIA ટીમ તેને પટિયાલા હાઉસ કોર્ટમાં લઈ ગઈ. તેને સ્પેશિયલ NIA જજ ચંદ્રજીત સિંહની કોર્ટમાં રજૂ કરવામાં આવ્યો. કોર્ટમાં રજૂ થતાં પહેલાં ખાસ સુરક્ષા વ્યવસ્થા પણ કરવામાં આવી હતી. કોર્ટ પરિસરમાં મીડિયાના પ્રવેશ પર પ્રતિબંધ મૂકવામાં આવ્યો હતો અને પત્રકારોના ઓળખપત્રો તપાસવામાં આવ્યા હતા.