ભારતે પાકિસ્તાનમાં ઘૂસીને પહેલગામ આતંકવાદી હુમલાનો બદલો લીધો છે. ભારતીય સેનાએ 'ઓપરેશન સિંદૂર' હાથ ધર્યું અને પાકિસ્તાન અધિકૃત કાશ્મીર સહિત 9 આતંકવાદી ઠેકાણાઓ પર હુમલો કર્યો. આતંકવાદીઓના ઠેકાણાઓ પર હવાઈ હુમલાથી પાકિસ્તાન હચમચી ગયું છે. પહેલગામ હુમલાના 15 દિવસ પછી આતંકવાદી છાવણીઓ પર એક સાથે હુમલો થયો છે.
આ દરમિયાન, એવા સમાચાર છે કે જમ્મુ-કાશ્મીરના અખનૂર વિસ્તારમાં ભારતીય સેના દ્વારા એક પાકિસ્તાની JF-17 ફાઇટર પ્લેનને તોડી પાડવામાં આવ્યું છે.જમ્મુ-કાશ્મીરના અખનૂર વિસ્તારના ભરડા કલાનમાં JF-17 પાયલોટ સાથે ક્રેશ થયું હોવાના અહેવાલ છે. પાયલોટને શોધવા માટે સર્ચ ઓપરેશન ચાલુ છે. પોલીસ, સેના અને ફાયર બ્રિગેડ ઘટનાસ્થળે હાજર છે.
