- મધ્યપ્રદેશના ગુનામાં પેસેન્જર બસ ડમ્પર સાથે અથડાઈ
- બસમાં આગ લાગતા 13 લોકોના જીવતા સળગ્યા
- 17 લોકો દાઝી જતા જિલ્લા હોસ્પિટલમાં દાખલ કરાયા
મધ્યપ્રદેશના ગુનાથી એક ભયાનક માર્ગ અકસ્માતના સમાચાર સામે આવ્યા છે. અહીં પેસેન્જર બસ ડમ્પર સાથે અથડાઈ હતી. આ અકસ્માતને કારણે બસમાં આગ લાગી હતી અને 13 લોકોના જીવતા સળગી ગયા હતા. જ્યારે આ અકસ્માત થયો ત્યારે પેસેન્જર બસ ગુનાથી હારોન જઈ રહી હતી. બસમાં મુસાફરોની સંખ્યા 30 આસપાસ હતી. દુર્ઘટનાની તીવ્રતાનો અંદાજ એ વાત પરથી લગાવી શકાય છે કે કેટલાક મૃતદેહો સંપૂર્ણપણે બળી ગયા છે અને વહીવટીતંત્રે ડીએનએ મેચિંગ દ્વારા તેમની ઓળખ કરવાની વાત કરી છે. પ્રશાસને આ વાતની પુષ્ટિ કરી છે. લગભગ 17 લોકો દાઝી ગયા છે, તેમને જિલ્લા હોસ્પિટલમાં દાખલ કરવામાં આવ્યા છે.
પોલીસ અધિકારીના જણાવ્યા અનુસાર, આ ઘટના ગુના-આરોન રોડ પર રાત્રે 9 વાગ્યાની આસપાસ બની હતી જ્યારે રોંગ સાઈડમાં આવી રહેલા એક ડમ્પર ટ્રકે પેસેન્જર બસને ટક્કર મારી હતી. આ પછી બસ પલટી ગઈ અને ભીષણ આગ લાગી હતી.
મુખ્યમંત્રીએ શોક વ્યકત કર્યો
મુખ્યમંત્રી મોહન યાદવે દુર્ઘટના પર શોક વ્યક્ત કર્યો છે. તેમણે વળતરની પણ જાહેરાત કરી હતી. મુખ્યમંત્રીએ ટ્વિટર પર લખ્યું, "ગુનાથી હારોન જતી બસમાં ભીષણ આગને કારણે મુસાફરોના નુકસાનના સમાચાર અત્યંત દુઃખદ છે. આ હૃદયદ્રાવક અકસ્માતમાં અકાળે મૃત્યુ પામેલા લોકોના પરિવારજનો પ્રત્યે મારી સંવેદના. આ વિકટ પરિસ્થિતિમાં રાજ્ય સરકાર પીડિત પરિવારોની સાથે છે.
મુખ્યમંત્રીએ આપ્યા તપાસના આદેશ
ઘટના બાદ રાજ્યના મુખ્યમંત્રી ડો.મોહન યાદવે શોક વ્યક્ત કર્યો છે અને તપાસના આદેશ પણ આપ્યા છે. તેમણે દરેક મૃતકને 4 લાખ રૂપિયાની સહાય આપવા સૂચના આપી છે. મુખ્યમંત્રીએ કહ્યું છે કે તમામ મુદ્દાઓ પર તપાસ થવી જોઈએ. આ અંગે ટ્રાન્સપોર્ટ અધિકારીઓને સૂચના આપવામાં આવી છે. સરકારે ઈજાગ્રસ્તને 50,000 રૂપિયાની સહાય આપવાના નિર્દેશ પણ આપ્યા છે. સીએમ સિવાય દેશના કેન્દ્રીય મંત્રી જ્યોતિરાદિત્ય સિંધિયાએ પણ ટેલિફોન પર વાત કરી છે અને અધિકારીઓને બચાવ માટે સૂચનાઓ આપી છે. તમને જણાવી દઈએ કે અકસ્માતમાં ખરાબ રીતે દાઝી ગયેલા અને ઘાયલ થયેલા લોકોની સારવાર ચાલી રહી છે.
