પીએમ મોદી આજે દેવભૂમિ ઉત્તરાખંડના પ્રવાસે છે. જ્યાં તેઓ હર્ષિલમાં જનસભા સંબોધી હતી. અહીં તેઓએ શીતકાલીન સત્ર મુખબામાં પૂજા કરી હતી. પીએમ મોદીએ જાહેરસભાને સંબોધતા ઉતરાખંડ વિશે મહત્વની વાતો કહી હતી. તેઓએ જણાવ્યુ હતુ કે, ઉત્તરાખંડ આધ્યાત્મિક ઉર્જાથી ભરેલું છે. આવનાર સમય ઉત્તરાખંડના વિકાસનો સમય હોવાની વાત પણ પીએમ મોદીએ કરી હતી.
પીએમ મોદી આજે ઉત્તરાખંડની મુલાકાતે
માણા ગામમાં થયેલી દુર્ઘટના બાબતે પણ પીએમ મોદીએ દુઃખ વ્યક્ત કર્યુ હતુ. પ્રવાસન સ્થળ વિશે વાત કરતા પીએમે જણાવ્યુ હતુ કે, ઓફ સિઝનમાં પણ ઉત્તરાખંડનું પ્રવાસન સ્થળ ઓન રહે છે. કેન્દ્રિય કેબિનેટે કેદારનાથમાં રોપ વે બનાવવા માટે મંજૂરી આપી છે. જે બાદ કેદારનાથની યાત્રા ભક્તો માટે વધુ સરળ બનશે. તેમ પણ પીએમ મોદીએ પોતાના ભાષણમાં કહ્યુ હતુ. સાથે જ તેઓએ જણાવ્યુ હતુ કે, આ રોપ વે પ્રોજેક્ટના કારણે 8થી 9 કલાકની કેદારનાથની યાત્રા માત્ર 36 મિનીટમાં પૂર્ણ કરી શકાશે. ઉત્તરાખંડના માણા ગામમાં હિમપ્રપાતમાં શ્રમિકોના મોત પર શોક વ્યક્ત કર્યો હતો. તેમણે કહ્યું હતુ કે, માણામાં થયેલા અકસ્માત પર તેઓ દુઃખી છે. અકસ્માતમાં જીવ ગુમાવનારાઓ પ્રત્યે તેમણે સંવેદના વ્યક્ત કરી હતી. આ પછી, પીએમ મોદીએ ઉત્તરાખંડની તેમની જૂની મુલાકાતોને યાદ કરી. તેમણે કહ્યું કે હમણાનો સમય ઉત્તરાખંડનો દાયકો છે. પીએમ મોદીએ કહ્યું, 'ઉત્તરાખંડની આ દેવભૂમિ આધ્યાત્મિક ઉર્જાથી ભરેલી છે.' ચારધામ અને અનંત યાત્રાઓનો આશીર્વાદ છે. મારું માનવું છે કે માતા ગંગાના આશીર્વાદથી હું કાશી પહોંચ્યો છું અને સાંસદ તરીકે કાશીની સેવા કરી રહ્યો છું. મેં એમ પણ કહ્યું કે માતા ગંગાએ મને બોલાવ્યો છે. થોડા મહિના પહેલા મને લાગ્યું કે માતા ગંગાએ મને દત્તક લીધો છે. તેમના સ્નેહને કારણે જ આજે હું તેમના માતૃઘર, મુખવા ગામ આવ્યો છું.
કોઈ પણ ઋતુ હોય, પર્યટન ચાલુ રહેવું જોઈએઃપીએમ
પીએમ મોદીએ કહ્યું, 'થોડા વર્ષો પહેલા જ્યારે હું બાબા કેદારનાથના દર્શન કરવા ગયો હતો. ત્યારે મેં કહ્યું હતું કે આ દાયકો ઉત્તરાખંડનો દાયકો હશે. તે શબ્દો મારા હતા, લાગણીઓ મારી હતી, પરંતુ તેની પાછળની શક્તિ ખુદ બાબા કેદારનાથે આપી હતી.' બાબા કેદારના આશીર્વાદથી, તે શબ્દો, તે લાગણીઓ સત્ય અને વાસ્તવિકતામાં ફેરવાઈ રહી છે. આ દાયકો ઉત્તરાખંડનો દાયકો બની રહ્યો છે. હું ઈચ્છું છું કે ઋતુ ગમે તે હોય, પર્યટન ચાલુ રહે. શિયાળામાં રિસોર્ટ ખાલી રહે છે, જે આર્થિક અસંતુલન બનાવે છે. જો ભારત અને વિદેશના લોકો અહીં આવે છે, તો તેમને આ સ્થળની આધ્યાત્મિક આભાની સાચી ઝલક મળશે.
કેદારનાથ યાત્રા 36 મિનિટમાં પૂર્ણ થશેઃપીએમ
પ્રધાનમંત્રીએ કહ્યું, 'પીએમ મોદીએ કહ્યું, 'અમારી ડબલ એન્જિન સરકાર ઉત્તરાખંડને વિકસિત રાજ્ય બનાવવા માટે સાથે મળીને કામ કરી રહી છે.' કેન્દ્રીય મંત્રીમંડળે કેદારનાથ રોપવે પ્રોજેક્ટ અને હેમકુંડ રોપવે પ્રોજેક્ટને મંજૂરી આપી છે. કેદારનાથ રોપવેના નિર્માણ પછી, જે મુસાફરી પહેલા 8-9 કલાકની થતી હતી તે હવે ફક્ત 36 મિનિટમાં પૂર્ણ થશે. આનાથી વૃદ્ધો અને બાળકો માટે કેદારનાથ યાત્રા સરળ બનશે.
