PM મોદીએ અમેરિકાના રાષ્ટ્રપતિ ડોનાલ્ડ ટ્રમ્પ સાથે ફોન પર કરી વાતચીત

વડાપ્રધાન નરેન્દ્ર મોદી અને ડોનાલ્ડ ટ્રમ્પે બીજી વખત અમેરિકાના રાષ્ટ્રપતિ બન્યા બાદ પહેલી વાર ફોન પર વાતચીત કરી છે. આ દરમિયાન વડાપ્રધાન મોદીએ ટ્રમ્પને અભિનંદન આપ્યા છે. બંને નેતાઓએ ભારત અને અમેરિકા વચ્ચેના સંબંધોને વધુ મજબૂત બનાવવા અંગે ચર્ચા કરી છે. બંને નેતાઓએ દ્વિપક્ષીય મુદ્દાઓ પર ચર્ચા કરી અને ભારત-અમેરિકા સંબંધોને વધુ મજબૂત બનાવવા સંમતિ દર્શાવી. એવું કહેવામાં આવી રહ્યું છે કે પીએમ મોદી અને ટ્રમ્પ વચ્ચે દ્વિપક્ષીય મુદ્દાઓ પર ચર્ચા થઈ હતી.

પીએમ મોદી અને ટ્રમ્પની મિત્રતા છે ખાસ

વડાપ્રધાન નરેન્દ્ર મોદી અને ભૂતપૂર્વ રાષ્ટ્રપતિ ડોનાલ્ડ ટ્રમ્પ વચ્ચેના મજબૂત સંબંધોના ઘણા કારણો છે. બંને નેતાઓએ સંરક્ષણ અને સુરક્ષા સંબંધોને મજબૂત બનાવવા પર ભાર મૂક્યો છે, ખાસ કરીને આતંકવાદ અને પાકિસ્તાન જેવા પ્રાદેશિક જોખમોનો સામનો કરવા માટે મહત્વપૂર્ણ પગલાં લેવા પર. વડાપ્રધાન મોદી અને ટ્રમ્પ વચ્ચેનો વ્યક્તિગત સંબંધ પણ ખૂબ જ સારો રહ્યો છે, જે 'હાઉડી મોદી' અને 'નમસ્તે ટ્રમ્પ' જેવા મોટા કાર્યક્રમોમાં સ્પષ્ટપણે જોવા મળ્યો હતો. આ કાર્યક્રમોમાં બંને નેતાઓ વચ્ચેના પરસ્પર સંબંધોમાં હૂંફ દેખાઈ છે.

ટ્રમ્પની વાપસી ભારત માટે સારા સમાચાર

ડોનાલ્ડ ટ્રમ્પની 'અમેરિકા ફર્સ્ટ' નીતિએ વાજબી વેપાર પર ભાર મૂક્યો હતો, જ્યારે વડાપ્રધાન મોદીએ ભારતના હિતોને અમેરિકાના હિત સાથે સંતુલિત કરવાનો પ્રયાસ કર્યો હતો. આ સંયુક્ત પ્રયાસથી વેપાર સંબંધો સુધારવામાં મદદ મળી અને ભારતની વધતી જતી આર્થિક શક્તિએ બંને દેશો વચ્ચે મજબૂત સંબંધો જાળવી રાખ્યા. બંને દેશોએ કોવિડ-19 રોગચાળા દરમિયાન આરોગ્ય સહયોગને પણ પ્રોત્સાહન આપ્યું. તે જ સમયે, મોદી અને ટ્રમ્પ વચ્ચેની જૂની મિત્રતાને ધ્યાનમાં લેતા એવું માનવામાં આવે છે કે ટ્રમ્પની વાપસી ભારત માટે સારા સમાચાર છે.