PM Modi Varanasi Visit: કાશીમાં કિસાન સન્માન સંમેલનમાં ભાગ લેશે

• આજે વડાપ્રધાન નરેન્દ્ર મોદી વારાણસીની મુલાકાતે
  
• જીતની હેટ્રિક બાદ PM પહેલીવાર વારાણસી જશે
• 30,000થી વધુ મહિલાઓને અપાશે કૃષિ સખી પ્રમાણપત્ર

જીતની હેટ્રિક બાદ PM પહેલીવાર વારાણસી જશે. PM મોદી કિસાન સન્માન સંમેલનમાં ભાગ લેશે. PM નરેન્દ્ર મોદી ખેડૂતોને આપશે મોટી ભેટ. કિસાન સન્માન નિધિ યોજનાનો 17મો હપ્તો જાહેર કરશે. 9.26 કરોડ લાભાર્થી ખેડૂતોને મળશે લાભ. 30,000થી વધુ મહિલાઓને અપાશે કૃષિ સખી પ્રમાણપત્ર

કિસાન સન્માન નિધિ યોજનાનો 17મો હપ્તો જાહેર કરશે

સતત ત્રીજી વખત વડાપ્રધાન બન્યા બાદ નરેન્દ્ર મોદી મંગળવારે પહેલીવાર પોતાના સંસદીય ક્ષેત્ર વારાણસી પહોંચશે. પીએમ મોદી કિસાન સન્માન સંમેલનમાં ભાગ લેશે. દરમિયાન, 9.26 કરોડ લાભાર્થી ખેડૂતોને સન્માન નિધિના 17મા હપ્તા તરીકે રૂ. 20,000 કરોડથી વધુની રકમ જારી કરવામાં આવશે. કોન્ફરન્સ દરમિયાન જ પીએમ મોદી સ્વ-સહાય જૂથોની 30,000 થી વધુ મહિલાઓને કૃષિ સખી પ્રમાણપત્ર પણ આપશે.

દશાશ્વમેધ ઘાટ પર ગંગા આરતીમાં ભાગ લેશે

કોન્ફરન્સ બાદ પીએમ મોદી સાંજે 7 વાગ્યે દશાશ્વમેધ ઘાટ પર ગંગા આરતીમાં ભાગ લેશે. રાત્રે 8 કલાકે કાશી વિશ્વનાથ મંદિરમાં પૂજા અને દર્શન કરશે. 19 જૂને સવારે 9:45 કલાકે બિહારના નાલંદાના ખંડેરની મુલાકાત લેશે. સવારે 10:30 વાગ્યે રાજગીરમાં નાલંદા યુનિવર્સિટીના કેમ્પસનું ઉદ્ઘાટન કરશે. ભારત અને પૂર્વ એશિયા સમિટ (EAS) દેશો વચ્ચે સંયુક્ત સહયોગ તરીકે યુનિવર્સિટીની કલ્પના કરવામાં આવી છે.

પાંચમી વખત વિશ્વ પ્રસિદ્ધ દશાશ્વમેધ ઘાટની ગંગા આરતીમાં ભાગ લેશે

સમારોહમાં 17 દેશોના મિશનના વડાઓ સહિત ઘણા મહાનુભાવો હાજરી આપશે. નાલંદા ખાતેના નવા કેમ્પસમાં 40 વર્ગખંડો સાથે બે શૈક્ષણિક બ્લોક છે. તેમાં 1,900 લોકો બેસી શકે છે. તેમાં 300 બેઠકોની ક્ષમતાવાળા બે ઓડિટોરિયમ છે.

PM નરેન્દ્ર મોદી પાંચમી વખત ગંગા આરતી નિહાળશે, ગંગાની પૂજા કરશે

વડાપ્રધાન નરેન્દ્ર મોદી મંગળવારે પાંચમી વખત વિશ્વ પ્રસિદ્ધ દશાશ્વમેધ ઘાટની ગંગા આરતીમાં ભાગ લેશે. તેઓ અહીં 55 મિનિટ રોકાશે. તેઓ ગંગાજીની પૂજા કરશે પ્રસિદ્ધ જ્યોતિષ પં. ચંદ્રમૌલી ઉપાધ્યાય અને નવ અર્ચક પૂજા કરાવશે. 18 યુવતીઓ રિદ્ધિ-સિદ્ધિ સ્વરૂપે ઉપસ્થિત રહેશે. આ દરમિયાન ઘાટને 10 ક્વિન્ટલ ફૂલોથી શણગારવામાં આવશે. ઘાટ દીવાઓથી ઝળહળી ઉઠશે.